© Sputnik / Abzal Kaliev
Premer-ministrdiń orynbasary – ulttyq ekonomika ministri Serik Jumanǵarin eskertýden keiin qosymsha salyq tólegen blogerlerdiń sanyn jariialady, dep habarlaidy Ult.kz Sputnik Qazaqstanǵa silteme jasap.
Buǵan deiin salyqshylar 594 blogerdiń ishinen 12 adam qosymsha salyq deklaratsiiasymen 1,4 mlrd teńgeni kórsetip, 74 mln teńgeniń salyǵyn tólep tastaǵanyn aitqan. Premer-ministrdiń orynbasary – ulttyq ekonomika ministri Serik Jumanǵarinniń sózine qaraǵanda, salyq tólegen blogerlerdiń sany artty.
"Búginde 15 bloger 1,5 mlrd teńgeni kórsetip, biýdjetke 75 mln teńge tólep qoidy", - dedi Jumanǵarin májiliste ótken brifingte.
Aita keteri, buǵan deiin memlekettik kirister komiteti salyqtan jaltarǵan júzdegen blogerge bir ai ýaqyt bergen bolatyn. Al qarjy monitoringi agenttigi tóraǵasynyń orynbasary Jeńis Elemesov salyqtyq qaryzy bar blogerler qandai jaǵdaida qylmystyq jazaǵa tartylatynyn aitty.
