© Sputnik / ابزال كاليەۆ
پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين ەسكەرتۋدەن كەيٸن قوسىمشا سالىق تٶلەگەن بلوگەرلەردٸڭ سانىن جارييالادى, دەپ حابارلايدى Ult.kz Sputnik قازاقستانعا سٸلتەمە جاساپ.
بۇعان دەيٸن سالىقشىلار 594 بلوگەردٸڭ ٸشٸنەن 12 ادام قوسىمشا سالىق دەكلاراتسيياسىمەن 1,4 ملرد تەڭگەنٸ كٶرسەتٸپ, 74 ملن تەڭگەنٸڭ سالىعىن تٶلەپ تاستاعانىن ايتقان. پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعاريننٸڭ سٶزٸنە قاراعاندا, سالىق تٶلەگەن بلوگەرلەردٸڭ سانى ارتتى.
"بٷگٸندە 15 بلوگەر 1,5 ملرد تەڭگەنٸ كٶرسەتٸپ, بيۋدجەتكە 75 ملن تەڭگە تٶلەپ قويدى", - دەدٸ جۇمانعارين مەجٸلٸستە ٶتكەن بريفينگتە.
ايتا كەتەرٸ, بۇعان دەيٸن مەملەكەتتٸك كٸرٸستەر كوميتەتٸ سالىقتان جالتارعان جٷزدەگەن بلوگەرگە بٸر اي ۋاقىت بەرگەن بولاتىن. ال قارجى مونيتورينگٸ اگەنتتٸگٸ تٶراعاسىنىڭ ورىنباسارى جەڭٸس ەلەمەسوۆ سالىقتىق قارىزى بار بلوگەرلەر قانداي جاعدايدا قىلمىستىق جازاعا تارتىلاتىنىن ايتتى.
