Foto: Pexels.com
Qazaqstan Qarjy ministrliginiń Memlekettik kirister komiteti depozitten jáne jeke shottar arasyndaǵy aýdarymdar mobildi aýdarymdardy baqylaý kezinde esepke alynbaitynyn túsindirdi, dep habarlaidy Ult.kz Todayinfo.kz saityna silteme jasap.
Demek, qazaqstandyqtar salyqtyq tekseriske iligemin dep qoryqpai-aq, óz shottary men salymdary arasynda aqshany erkin aýdara alady.
Jańa erejeler qandai bolady?
Eske salaiyq, qazir aýdarymdardy baqylaýdyń jańa kriteriileri pysyqtalyp jatyr – túzetýler Senatta qaralýda. Jospar boiynsha, mynadai jaǵdailarda jeke tulǵalar tekseris aiasyna iligedi:
- Úsh ai qatarynan ai saiyn 100 jáne odan da kóp túrli adamnan aýdarym qabyldasa;
- Bul rette túsken qarjynyń jalpy somasy 1 020 000 teńgeden (2025 jylǵy eń tómengi jalaqynyń 12 eselengen mólsheri) asýy tiis.
Salyq organdary taǵy neni teksermeidi?
Depozitten jasalǵan aýdarymdardan bólek, limit esebinen mynalar alyp tastalady:
- Jalaqy;
- Áleýmettik tólemder;
- Jaqyn týystardan kelgen aýdarymdar.
Eger jańa erejeler ózgerissiz qabyldansa, olar 2026 jyldyń 1 qańtarynan bastap kúshine enedi.
