Foto: T.rbc.ru
2023 jyldyń 1 qańtarynan bastap 2024 jyldyń 1 qańtaryna deiin qoldanylatyn Salyq kodeksine engizilgen ózgertýlerge sáikes, birqatar tulǵalar aktivteri men mindettemeleri týraly deklaratsiiany tapsyrýdan bosatyldy, dep habarlaidy «Ult aqparat» Stan.kz-ke silteme jasap.
Osylaisha, memlekettik organdardyń qyzmetkerleri jáne olardyń jubailary bolatyn rezident emester, sondai-aq kvazimemlekettik sektor sýbektileriniń qyzmetkerleri jáne olardyń jubailary (eger olar Salyq kodeksiniń 630-babynyń 1-tarmaǵy 1-tarmaqshasynda kórsetilgen tulǵalarǵa jatpasa) 2023 jáne 2024 jyldarǵa arnalǵan aktivteri men mindettemeleri týraly deklaratsiiany usynýdan bosatylady.
Olarǵa mynalar kiredi:
- jaýapty memlekettik laýazymdy atqaratyn tulǵalar jáne olardyń jubailary;
- memlekettik fýnktsiialardy oryndaýǵa ýákilettik berilgen adamdar jáne olardyń jubailary;
- memlekettik fýnktsiialardy oryndaýǵa ýákilettik berilgen adamdarǵa teńestirilgen adamdar jáne olardyń jubailary;"Qazaqstan Respýblikasyndaǵy sailaý týraly" Konstitýtsiialyq zańǵa jáne "Sybailas jemqorlyqqa qarsy is-qimyl týraly", "Qazaqstan Respýblikasyndaǵy bankter jáne bank qyzmeti týraly", "Saqtandyrý qyzmeti týraly", "Baǵaly qaǵazdar naryǵy týraly" zańdarǵa sáikes deklaratsiiany berýge jaýapty adamdar.
Sonymen qatar túzetýlerge sáikes rezident emester, kommertsiialyq emes uiymdardyń quryltaishylary (qatysýshylary) jáne aktsionerleri kiredi. Olar:
- joǵaryda kórsetilgen adamdardy qospaǵanda, memlekettik organdardyń qyzmetkerleri jáne olardyń jubailary, sondai-aq kvazimemlekettik sektor sýbektileriniń qyzmetkerleri jáne olardyń jubailary;
- zańdy tulǵalardyń basshylary, quryltaishylary (qatysýshylary) jáne olardyń jubailary, dara kásipkerler jáne olardyń jubailary.
Kirister men múlikter týraly deklaratsiia jyl saiyn aktivter men mindettemeler týraly deklaratsiia tabys etilgen jyldan keiingi jyldan bastap esepti salyq kezeńiniń 31 jeltoqsanyndaǵy jaǵdai boiynsha tabys etiledi.
"Salyq kodeksin qoldanysqa engizý týraly" Zańnyń 45-1-babynyń 2 jáne 3-tarmaqshalaryna jáne 45-3-babyna ózgerister engizildi. Ol 13 shildeden bastap qoldanysqa engiziledi.
Aita keteiik, buǵan deiin endi Qazaqstanda sheteldik onlain dúkenderden tapsyrys bergender úshin qosymsha salyq engiziletini týraly jazǵan edik.
