Ulttyq ekonomka ministrligi salyq zańnamasyna salyq bereshegi mardymsyz shottardy buǵattaýǵa tyiym salatyn engizilgen túzetýler engizilgenin málim etti, dep habarlaidy "Ult aqparat".
Biyl 1 qańtardan bastap pandemiiadan zardap shekken 114 qyzmet túrine bólshek salyqtyń arnaiy 2 jyldyq salyq rejimi engizilgen bolatyn. Ulttyq ekonomika ministrligi baspasóz qyzmetiniń habarlaýynsha, bul merzim qoǵamdyq tamaqtaný salasy úshin 2023-2025 jyldar aralyǵynda qamtidy. Salyq stavkasy 6% mólsherinde belgilengen. Rejimniń basty ereksheligi - rejimdi tóleýshiler qosylǵan qun salyq pen áleýmettik salyqty tólemeidi.
Munyń bári Salyq kodeksine engizilgen ózgerister men tolyqtyrýlardyń arqasynda múmkin bolyp otyr.
«Zańmen salyqtyq ákimshilendirý bóliginde salyq tóleýshilerdiń qyzmetine oń áser etetin normalar qabyldandy. Mysaly, 6 ailyq eseptik kórsetkish nemese 17 502 teńge salyq beresheginiń shekti mólsheri belgilengen. Odan tómen bolsa shottarǵa tyiym salynbaidy», - dep jazylǵan túsindirmede.
Kodekske engizilgen túzetýler boynsha bankterge salyq tóleýshi qaryzdy tólegennen keiin birden shot ashý quqyǵy berildi. Bul salyq bereshegi ótegen shottardyń jyldam ashylýyna múmkindik beredi.
«Memleket basshysynyń Úkimettiń 1 sáýirdegi keńeitilgen otyrysynda bergen tapsyrmalaryn oryndaý úshin 2021 jylǵy 1 sáýirden bastap 1 shildege deiin zardap shekken salalarda eńbekaqy tóleý qorynan jeke tabys salyq jáne áleýmettik salyq tóleýdi keiinge qaldyrý engizildi. Bul ereje bólshek salyq rejimi úshin anyqtalǵan 114 qyzmet túrine qoldanylýy múmkin. Pandemiiaǵa bailanysty shekteý sharalaryna bailanysty 2019 jáne 2020 jyldarǵa rezidenttik sertifikatyn usyný merzimi 2021 jylǵy 31 jeltoqsanǵa deiin uzartyldy», - dep jazady Ulttyq ekonomika ministrliginiń mamandary.
Atalǵan qadam shekteý sharalary kezeńinde qosarlanǵan salyq salýdy boldyrmaýǵa baǵyttalǵan. Óitkeni shet elderde karantindik sharalardy engizý sebebinen qujattardy usyný qiyn.
«Osylaisha, qabyldanǵan sharalar der kezinde iske asty. Biznes sýbektileriniń ainalym qarajatyn ulǵaitýǵa jáne olardy basqa óndiristik shyǵystarǵa baǵyttaýǵa, salyq mindettemelerin oryndaýdy jeńildetýge múmkindik beredi», - dep jazylǵan resmi aqparatta.
