Búgin Nurlan Ábdirovtiń tóraǵalyǵymen Saltanat Parhatqyzy Tursynbekovany Qazaqstan Respýblikasynyń Prezidenttigine kandidat retinde tirkeý máselesi boiynsha Ortalyq sailaý komissiiasynyń otyrysy ótti, dep habarlaidy "Ult aqparat" OSK baspasóz qyzmetine silteme jasap.
Kún tártibindegi másele boiynsha Ortsailaýkom múshesi Asylbek Smaǵulov baiandama jasady. Ol 2022 jylǵy 11 qazanda Ortalyq sailaý komissiiasyna «Qazaq analary – dástúrge jol» respýblikalyq qoǵamdyq birlestigi S.P.Tursynbekovany Qazaqstan Respýblikasynyń Prezidenttigine kandidat etip usyný týraly qujattardy usynǵanyn rastady. Ortalyq sailaý komissiiasyna kandidatty tirkeý úshin mynadai qujattar usynylǵan:
- Prezidenttikke kandidat S.P.Tursynbekovanyń aktivteri men mindettemeleri jóninde deklaratsiia tapsyrǵany týraly memlekettik kirister organynyń anyqtamasy;
- Prezidenttikke kandidat S.P.Tursynbekovanyń ony tirkeýge kedergi keltiretin aýrýlardyń joq ekendigi týraly meditsinalyq qorytyndysy;
- oblystardyń, respýblikalyq mańyzy bar qalalardyń jáne Respýblika astanasynyń aýmaqtyq sailaý komissiialarynyń Prezidenttikke kandidat S.P.Tursynbekovany qoldap jinalǵan azamattardyń qoldaryn tekserý nátijeleri týraly hattamalary.
Osy hattamalarǵa sáikes, Prezidenttikke kandidat S.P.Tursynbekovanyń qoldaýyna Qazaqstannyń 18 óńirinen 119 316 azamattyń qoly jinalǵan. Tekserý nátijesinde 118 434-i ras dep tanyldy, iaǵni qajetti sany qamtamasyz etildi, bul sailaýshylardyń jalpy sanynyń keminde 1% nemese 118 273-i.
"Saltanat Tursynbekovany Prezidenttikke kandidat retinde tirkeýge qajetti barlyq qujat Ortalyq sailaý komissiiasyna usynyldy jáne olarǵa qoiylatyn talaptarǵa tolyq sáikes keledi.
QR OSK qaýlysymen Saltanat Parhatqyzy Tursynbekova 2022 jylǵy 20 qarashaǵa taǵaiyndalǵan Qazaqstan Respýblikasynyń Prezidentiniń kezekten tys sailaýynda Qazaqstan Respýblikasynyń Prezidenttigine kandidat bolyp tirkeldi, oǵan tiisti kýálik berildi" - delingen habarlamada.
