Saltanat Núkenovanyń aǵasy Aitbek Amangeldi Astana qalasynyń Azamattyq ister jónindegi aýdanaralyq sotyna Qýandyq Bishimbaevtan materialdyq shyǵyn men moraldyq ziiandy óteý týraly shaǵym túsirdi, dep habarlaidy "Ult aqparat" Astana qalasynyń azamattyq ister jónindegi aýdanaralyq sotyna silteme jasap.
Aitbek Amangeldi óziniń talap aryzynda qaryndasynyń óliminen keiin densaýlyǵyna moraldyq ziian kelgenin, densaýlyǵy nasharlap, jumysqa qabiletin joǵaltqany týraly aitqan.
Saltanattyń ata-anasy shyǵynnyń talapkerdiń paidasyna óndirilýinen bas taratty.
"Parasat pen ádildik qaǵidattaryna súiene otyryp, jaqyn týysynyń qaitys bolýy talapkerdiń moraldyq jaǵdaiyna keri áserin tigizgenin, onyń jeke múliktik emes quqyqtaryn buzǵanyn eskere otyryp, sot talapty ishinara qanaǵattandyrdy", – dep málimdedi Astanadaǵy Azamattyq ister jónindegi aýdanaralyq soty.
Nátijesinde Bishimbaevqa qylmystyq is boiynsha 6 877 672 teńge kólemindegi shyǵyn men moraldyq ziian keltirgeni úshin 10 million teńgeni óteý týraly sheshim shyqty.
Sot sheshimi zańdy kúshine engen joq.
