Alǵashqy 50 jýrnalist osy jyldyń aqpan aiynda Sanjar Asfendiiarov atyndaǵy Qazaq ulttyq ýniversitetinde oqi bastaidy, dep habarlaidy "Ult aqparat".
Vedomstvonyń málimetinshe, búgin Aqparat jáne qoǵamdyq damý ministri Aida Balaeva Almatydaǵy Sanjar Asfendiiarov atyndaǵy Qazaq ulttyq meditsinalyq ýniversitetinde boldy.
Eske sala keteiik, Aqparat jáne qoǵamdyq damý ministrligi QazUMÝ-men qol qoiylǵan salalyq jýrnalistikany damytý jónindegi yntymaqtastyq týraly memorandýmdy júzege asyra bastady.
Kezdesýdiń negizgi kún tártibi - 2020-2021 jyldarǵa arnalǵan media salanyń mamandaryn daiarlaýdyń arnaiy josparyn talqylaý.
Kezdesý nátijesinde, 2021 jyly aqpanda ýniversitet bazasynda jeke jáne memlekettik BAQ-tyń 50-den astam jýrnalisteri meditsina boiynsha joǵary sapaly materialdarǵa qol jetkizý úshin biliktilik pen bilim deńgeiin kóterý boiynsha jumysty bastaý jóninde ýniversitet basshylyǵymen naqty kelisim jasaldy.
Aida Balaeva salalyq jýrnalistikany damytý boiynsha jumystyń mańyzdy kezeńi bastalatyndyǵyna nazar aýdardy.
Ministr oqytý barysynda jattyqtyrýshylar retinde jýrnalistika men meditsina salasynyń jetekshi mamandary belsendi jumys júrgizýi kerek ekenin basa aitty.
2021 jyly salalyq jýrnalisterdi oqytý boiynsha keshendi jumys júrgiziletin bolady.
Osy jumys sheńberinde belgili bir salada mamandardy daiarlaý bóliginde media saladaǵy zamanaýi tendentsiialar men buqaralyq aqparat quraldarynyń suranystaryn baqylaý, mýltimediialyq bilim jáne aqparattyq platforma qurý, uzaq merzimdi jáne qysqa merzimdi oqytý kýrstaryn ótkizý boiynsha is-sharalar júrgiziledi.
