Alina esimdi qyz bir jarym jyl boiy salafittyń ekinshi áieli bolyp kelgen. Bul týraly almatylyq qyz Comode basylymyna aityp berdi.
"Maǵan munyń barlyǵyn qaitadan eske alý aýyr, biraq men basqa qyzdardyń mundai qadamǵa barýynyń aldyn alý úshin basymnan ótken oqiǵamdy aityp bereiin", - dedi Alina.
Aitýynsha, Alina men onyń úsh baýyryn anasy jalǵyz ósirip-baqqan - ákesi kenje uly dúniege kele salyp, otbasyn tastap ketken. Keiinnen Alina Almatyǵa ketken, aýyldyq kvotamen grantqa iligip, pedagogikalyq institýtqa oqýǵa túsedi.
"Sol kúii kedeilikpen kúneltip júrmin, jalǵyz boldym. Daiashy, úi tazalaýshy bolyp jumys istedim, tipti striptiz bilep aqsha tappaqshy boldym, biraq meniń dene pishinim ol jumysqa sáikes bolmady. Degenmen oqýdy tastap ketken joqpyn, az ǵana stipendiiamnan aiyrylyp qalmaý úshin barynsha tyrysyp oqydym. Jataqhanada turdym, onda egeýquiryqtar, qandalalar men taraqandar júrdi. Jaqsy bir jigitpen tanysýdy armandaitynmyn, biraq odan túk shyqpady. Maǵan tek kóshedegi dóner satatyn jigitter qaraityn", - dep bastady áńgimesin Alina.
Kúnderdiń bir kúninde ol ózinen 22 jas úlken er adammen tanysady.
"Onyń úilengen ekenin tanysqannan keiin eki aptadan soń ǵana bildim. Sol kezde ol maǵan ekinshi áieli bolý týraly usynys jasady. Men tańǵaldym, bir jaǵynan qoryqtym da...", - deidi ol.
Kelesi kúni er adam oǵan jataqhanadan kóship, páter jaldaý úshin aqsha beredi. "Zattarymdy tasýǵa kómektesti. Sosyn qaitadan ekinshi áieli bolýǵa qarsymyn ba, joq pa - sony surady. Biraq oilamaǵan jerden men "iá" dedim".
Alinanyń aitýynsha, osydan keiin onyń ómiri tozaqqa ainaldy.
"Áielderge etke qaraǵan siiaqty qaraityn, al men ol úshin malai bolatynmyn. Munymen qosa, ol maǵan basqa er adamdarmen sóilesýge tyiym saldy, oqýǵa baryp júrgenimdi unatpady. Sosyn balabaqshaǵa tárbieshi bolyp jumysqa kirdim. Tek uzyn jáne kóilek kiiýge májbúr boldym. Kún qatty ystyq bolsa da. Hidjab ki dep aitty, biraq men oǵan áli daiyn emes ekenimdi aityp túsindirdim. Degenmen ol qysym kórsetti, biraq men kigen joqpyn", - deidi Alina.
"Mindetterim kóp boldy, aptasyna bir ret qana keletinine qýandym - sebebi ol kelgende men naǵyz malai bolatynmyn. Úidiń ishi tap-taza bolýy qajet. Tipti batareiadan jyly tápishkesin áperip, aiaǵyna kigizetinmin. Úi kiimin de kigizetinmin. Dastarqan da jaiýly turý kerek. Ol barlyǵy osylai bolý kerek dep sanady. Birde ol ústel ústinde turǵan marmeladtardy kórip, aiǵai shyǵardy. Olar jelatinnen jasalǵandyqtan onda shoshqanyń eti bar ekenin aitty. Shujyq pen sosiska degenderge múlde tyiym salyndy. Olar halal bolsa da úige aldyrmaityn. Turyp tamaq jesem qatty aiǵailaityn. Aitýynsha, ol kúná. Sol qolmen tamaq jeý - ol da kúná", - deidi Alina.
"Belgili bir somada az ǵana aqsha berip turatyn. Páterdi jaldaýǵa, kommýnaldyq qyzmetterge, teledidarǵa - maǵan úige kelgende keshki astan keiin divanda jatyp, kriminaldyq baǵdarlamalar kórip jatatyn. Birdeńe alǵym kelse, men oǵan ol maǵan ne úshin qajet, qansha teńgege alaiyn dep jatyrmyn - barlyǵyn túsindirýim tiis edi. Al ol muny qajet emes dep sanasa, aqsha bermei qoiatyn. Osylaisha, men toqaldar jaily mifti joqqa shyǵaryp otyrmyn - altyn buiymdar, telefondar, mashina jáne taǵy basqasy. Keibireýler alyp berip jatatyn shyǵar, biraq men ol jaily armandamaitynmyn. Ózimdi jalaqymdy qaida jumsaǵanym jaily esep bermeitinmin, barlyq aqshany birden anama jiberetinmin. Sondai-aq, ol maǵan anama jáne baýyrlaryma baryp qaitýǵa tyiym salatyn. "Turmys qurǵan musylman áieldiń jalǵyz otbasy bar - ol kúieýi" dep aitatyn", - deidi almatylyq Alina.
Al munyń barlyǵyn nege shydap kelgeni jaily suraqqa qyz ne aitaryn bilmedi. Aitýynsha, bir sátte osy qarym-qatynasty úzip tastaǵysy keldi.
"Degenmen de Qudai bar eken. Birden bolmasa da, birneshe kúnnen keiin men jaqsy jigitpen tanystym. Birden aralasyp kettik, usynys jasady. Salafitpen bolǵan jaǵdai ótken ómirimde qaldy. Árine, ony esten shyǵarý qiyn", - deidi Alina.
"Oǵan baǵynbai bastaǵanyma tańǵaldy. Jazyp, qońyraý soǵyp júretin - meni jáne jigitimdi qorqytatyn... Ony toqtatqan tek bir nárse - men oǵan taǵy da bizdi mazalaityn bolsa, áieline barlyǵyn aityp beretinimdi aittym. Al ol áielinen qatty qorqatyn", - deidi Alina.
