26 qazan kúni I.Jansúgirov atyndaǵy oblystyq mádeniet saraiynda burynǵy aitysker aqyn, kompozitor, Elena Ábdiqalyqovanyń kontsertin tamashalaýǵa áielimdi ertip men de bardym. Jarnamasy durys bolmady ma, álde aptanyń basy – halyq jumysta degendei, áiteýir, kórermen onsha kóp bola qoiǵan joq. Biraq Elena oǵan qaramady, jarty saǵattai kesheýildegen kontsertin ózi basqaryp, Qudai bergen bar ónerin tókti-aq. Oryndaǵan ánderiniń basym kópshiligi, óleńderin de, ánderin de ózi jazǵan, halyqqa keńinen tanymal dúnieler edi. Mysaly: «Syr elim meniń, jyr elim meniń», «Esińe meni alǵaisyń» jáne t.b. Úsh-tórt óleńin dombyramen aitty. Bul jerde de jinalǵan jurt onyń ónerine tánti ekenin bildirip, alaqandaryn aiaǵan joq. Birneshe deste gúl de syilandy ónerpazǵa. Kontsertti ózi basqarǵan oryndaýshymyz arasynda ártúrli áńgime de aitty.
«Men alǵash ret 17 jasymda bir jigitke ǵashyq boldym. Sóitsem, álgi ońbaǵannyń áieli bar bolyp shyqty. Jalpy, áieli bar erkektiń bári ońbaǵan» dep zalda otyrǵan erkek qaýymyn biraz jerge aparyp salmasyn ba?! Bir-birimizge qaraǵan biz, mynaý ne dep ketti dep otyrmyz. Aitqan sózi ras bolsa, onda biz de ońbaǵan shyǵarmyz degen oi keldi. Jinalǵandardyń arasynda 75-76-daǵy bir-eki aqsaqal bar edi. Solarǵa qarasam, ekeýi birdeme dep kúbirlesip otyr...
Elena qyz ózi nanyn taýyp jep júrgen ortasyn da synap: «Bul óner adamdary degen kúnshil keledi. Olardyń arasynda shynaiy dostyq degen bolmaidy. Biriniń aiaǵyn biri shalyp degendei... Sondai intriganyń qurbany bolǵannyń biri – meniń dosym Tabyldy Dosymov. Ol naǵyz daryn edi, eshqandai ataq ala almai qusa bop óldi ǵoi. Tiri bolsa biyl 51-ge keletin edi. Sizder jaman oilap qalmańyzdar, biz tek dos boldyq, aramyzda kúdik alatyndai eshteme bolǵan joq...» dep óziniń adaldyǵyn da aityp ótti.
Dombyramen taǵy bir án shyrqar kezinde Elena Ábdihalyqova hanym óziniń aitys aqyny bolǵanyn aita kele: «Qazir aitysqa qatynaspaimyn. Aitys degen saýda bolyp ketti» dep, ol ónerdiń aýyr júgin alyp júrgen azamattardyń tarapyna qarai bir tasty laqtyryp kep jiberdi.
Qoishy, osy kontsertten aýyrlap shyqtym. Oǵan negizinen óner súietin qaýym ókilderi keldi. Demek, olarǵa óner adamdarynyń arasyndaǵy ómirde kezigetin ártúrli kikiljińdi, kóleńkeli jaǵdailardyń onsha qajeti joq edi. Alla taǵala adamdardy jaratqanda, o basta, ártúrli qyp jaratqany belgili. Olardyń túrleri de, jastary men boilary da erekshe. Sonysymenen qyzyq. Olardyń ishinde Elena ánshi sóz qylǵandar da bar ekeni ras. Kórermenge keregi óner adamdarynyń arasyndaǵy aitys-tartys, urys-keris emes, shynaiy óner emes pe edi. Men de sondai nietpen baryp edim...
Ábdisamat MYLTYQBAEV,
zeinetker,
Taldyqorǵan qalasy.
"Jas Alash" gazeti
.jpg)