Birneshe kúnnen beri áleýmettik jelide Shymkent qalasynda Naýryz meiramyndaǵy is-sharalarǵa 565 million teńge biýdjet qarajaty bólingeni týraly aqparat qyzý talqylanyp jatyr. Qujatqa "Shymkent qalalyq mádeniet úii" kontserttik uiymynyń" direktory Sáken Maiǵazievtiń qol qoiǵany aityldy.
Ánshi Sáken Maiǵaziev Instagram paraqshasynda is-sharaǵa jumsalǵan qarjyǵa qatysty jazba jariialady.
"Estip te, kórip te júrmin. Búkil álemniń bailyǵyn beremin dese de, qasyqtap jinaǵan abyroiymdy shelektep tógýge kelispes edim. Merekelik mádeni is-sharalar keshe keshkisin máresine jetti. Jurtty jinap alyp, jyn oinaq jasaǵandai kórsetýdiń qajeti joq, jaqsylar. Shymkent qalasy mádeniet, tilderdi damytý jáne arhivter basqarmasyna qarasty 19 mekeme atsalysqan 100-den asa sharaǵa bólingen qarajatty men oilap tapqan joqpyn. Qala ákimi qoldap, orynbasarlary ońtailandyryp, basqarma bekitip, máslihat maquldap, jumyla jasalǵan jumys", - dep bastady Maiǵaziev.
Onyń sózinshe, jyl boiy mádeni is-sharalar ótkizýge 572 million teńge bólingen. Sonyń ishinde Naýryz merekesinde 10 kún boiy ótken 103 is-sharaǵa 213 million teńge jumsaldy.
"Naýryzǵa qatysty is-sharalar naýryzdyń sońyna deiin, tipti sáýir aiyna deiin jalǵasady. 213 million teńgeniń ózi 5-6 is-sharaǵa bólingen joq. 40 million teńge "Naýryz aitys" atty úlken jobaǵa bólingen qarjy. Onyń ishinde 2 aýqymdy is-shara bar. Eki kúndik aqyndar aitysy, aqyn-jazýshylardyń proza jáne poeziia baǵyttary boiynsha ótken baiqaýy men múshairasyn kosyńyz. Bul qarjynyń ishinde júlde qory, qatysýshylar men qazylar alqasynyń gonorary, olardyń kelý-ketý men ornalastyrý, tamaqtaný men transport, ózge de kóptegen shyǵyny bar", - deidi ol.
Sonymen qatar Shymkent qalalyq mádeniet úii osy aitysty ótkizý úshin "Quraq Group" JShS-men kelisimshart jasasqany, tender "tikelei bir kózden satyp alý" tásili boiynsha ótkeni aityldy. "Quraq Group" JShS jihaz óndirýmen ainalysady. Maiǵazievtiń aitýynsha, kompaniianyń aitys ótkizýge litsenziiasy bar.
"Memlekettik satyp alý konkýrsy bir kózden satyp alý tártibimen ótkizilip, "Quraq group" kompaniiasynyń avtorlyq jobasy bolǵandyqtan tikelei kelisimshart jasaldy. Onyń ústine bul is-sharalardy kompaniia óz qarjysyna ótkizdi. Biz bul kompaniiamen sáýir aiynda eseptesemiz. Jihaz óndirý – bul kompaniia qyzmetiniń bir ǵana baǵyty. Is júzinde ol mádeni is-sharalar uiymdastyrýmen de ainalysady. Sonyń ishinde aqyndar aitysyn uiymdastyrýǵa litsenziia alǵan", - dep túsindirdi Maiǵaziev.
Ol meiram qarsańynda barlyq is-sharada sanitarlyq talap saqtalǵanyn da atap ótti.
"Bir sózben aitqanda, bólingen biýdjet - babamnan qalǵan qarjy emes, men basqaryp otyrǵan ásem ǵimarat - ákemnen qalǵan mura emes. Allanyń aldynda da, adamnyń (quzyrly organdar) aldynda da esep bolatynyn biletin jandardyń qatarynanmyn", - dep túiindedi Sáken Maiǵaziev.
Aita keteiik, Shymkent qalasy ákiminiń birinshi orynbasary Shyńǵys Muqan jyl saiyn qalada is-shara ótkizýge 600 million teńge bólinetinin jazdy.
