Jergilikti ákimder «Nur Otan» partiiasy praimeriziniń ádil ótýine qysym jasamaýy tiis. Bul týraly QR Prezidenti janyndaǵy Ulttyq qoǵamdyq senim keńesiniń múshesi, saiasattanýshy Erlan Sairov jariia etken «Nur Otan» partiiasy jaqtastar ligasynyń úndeýinde aitylǵan, dep habarlaidy QazAqparat.
«Elimiz jol airyǵynda tur. Biz demokratiiaǵa, ádilettikke jáne teńdikke degen tereń suranys týyndaǵan zamanda ómir súrip jatyrmyz. Saiasi reformalardyń áleýmettik, trasformatsiialardyń qajettiligi búgingi turmystyń basty aspektisi. Óitkeni, eldi saqtap jáne jetistikterdi arttyrýdyń basqa balamasy joq. Sondyqtan eń birinshi jergilikti jerdegi ákimder jumys stilin ózgertýi kerek», - delingen Erlan Sairov Ortalyq kommýnikatsiialar qyzmetindegi baspasóz máslihaty barysynda jariialaǵan úndeýde.
Onyń atap ótýinshe, kóptegen ákim áli de komandalyq basqarýshylyq ádistermen jumys isteidi jáne qoǵamdyq pikirdi eskergisi kelmeidi.
«Al búgingi tańda praimeriz bul - jastar úshin múmkindikter terezesi. Sondyqtan biz osy ártúrli deńgeidegi ákimderdi praimerizdi ádil jáne shynaiy ótýine úles qosýǵa jáne ákimshilik, ámirshilik eshqandai qysym jasamaýǵa shaqyramyz. Eger ondai qysym bolsa, onda «Nur Otan« partiiasynyń jaqtastar ligasy partiiaǵa sondai ákimderdi, sheneýnikterdi partiialyq turǵyda jazalaý ári partiiadan shyǵarý týraly usynys engizetin bolady», - dedi saiasattanýshy.
