Saiasattanýshy Ádil Seifýllin Qorǵanys ministri qyzmetine jańa basshynyń taǵaiyndalýyna qatysty pikir bildirdi. Ol Memlekettik kúzet qyzmetiniń ofitserlerin kúrdeli memlekettik qurylymdarǵa basshylyq qyzmetterge taǵaiyndaý tájiribesine toqtalyp, jańa ministrdiń taǵaiyndalýyn sońǵy jyldardaǵy kadrlyq sheshimdermen bailanystyrdy. Seifýllin óz jazbasynda Ermek Saǵymbaev pen Shyńǵys Árinovtiń qyzmet jolyn mysalǵa keltirip, jańa Qorǵanys ministriniń taǵaiyndalýyn meritokratiia qaǵidatymen túsindirdi, dep jazady ult.kz.
Jańa Qorǵanys ministri: nege dál sol adam?
Memlekettik kúzet qyzmetiniń ofitserlerin eń kúrdeli baǵyttarǵa taǵaiyndaý synalǵan tájiribege ainalyp keledi.
Memleket basshysy men eldiń joǵary laýazymdy tulǵalary óz ómirin senip tapsyratyn adamdar ózderiniń kásibi biliktiligin birneshe ret is júzinde dáleldedi.
Ermek Saǵymbaev Qańtar oqiǵasynan keiin Ulttyq qaýipsizdik komitetin «tártipke keltirýge» jiberildi. Arada bes jylǵa jýyq ýaqyt ótken soń, senimmen aitýǵa bolady: bir kezderi jabyq ári rýlyq sipattaǵy belgileri bar arnaiy qyzmet bolǵan Komitet búginde aldyńǵy qatarly jáne zań talaptaryn qatań saqtaityn arnaiy organǵa ainaldy.
Odan keiin Shyńǵys Árinov keldi. Tótenshe jaǵdailar ministrligindegi uzaq jyldarǵa sozylǵan toqyraý men degradatsiiadan keiin vedomstvo qaita túledi, zamanaýi ári jedel áreket etetin organǵa ainaldy. Onda qaitadan qyzmet etý abyroiǵa ainaldy.
Qazir ol problemaly Almaty oblysyna jiberilip otyr. Munda áli de aýqymdy ári ambitsiialyq Alatau City jobasyn damytý mindeti tur.
Al búgin minsiz bedelge ie ofitserdiń Qorǵanys ministri qyzmetine taǵaiyndalýy Prezidenttiń meritokratiia qaǵidatyna beiildiligin taǵy da rastaidy:
Quzyrettilik + Patriotizm = Nátije
Saiasattanýshynyń pikirinshe, sońǵy jyldardaǵy kadrlyq taǵaiyndaýlarda Memlekettik kúzet qyzmetinen shyqqan ofitserlerge senim artý úrdisi baiqalady. Ol jańa Qorǵanys ministriniń taǵaiyndalýyn da osy tájiribemen bailanystyryp, bul sheshimdi kásibi biliktilik pen patriotizmge negizdelgen meritokratiia qaǵidatynyń kórinisi retinde baǵalaǵan.
