Astanada saiabaqta boijetkenge tiisken degen kúdikpen 27 jastaǵy er adam ustaldy. Qazirgi ýaqytta ol ýaqytsha ustaý izoliatoryna qamaldy, dep habarlaidy ult.kz.
Oqiǵa týraly alǵash bolyp jábirlenýshiniń týysy áleýmettik jelide habarlady. Onyń aitýynsha, oqiǵa 29 shilde kúni tańerteń bolǵan.
Belgisiz er adam saiabaqta qyzdy kúshtep ustap, jibermei qoiǵan. Boijetken aiqailap, ainalasyndaǵylardyń nazaryn aýdarýǵa tyrysqan. Osydan keiin kúdikti oqiǵa ornynan qashyp ketken. Alaida jábirlenýshi ony beinekameraǵa túsirip úlgergen.
Astana qalalyq politsiia departamenti kúdikti retinde 27 jastaǵy qala turǵynynyń ustalǵanyn rastady.
– 27 jastaǵy er adam ustalyp, politsiia bólimine jetkizildi. Qazirgi ýaqytta ol ýaqytsha ustaý izoliatoryna qamaldy, – dep habarlady vedomstvo.
Politsiia málimetinshe, kúdiktige qatysty Ákimshilik quqyq buzýshylyq týraly kodekstiń usaq buzaqylyq baby boiynsha is qozǵaldy. Is materialdary sottyń qaraýyna joldandy.
Qazirgi ýaqytta quqyq qorǵaý organdary oqiǵanyń barlyq mán-jaiyn anyqtaý jumystaryn júrgizip jatyr.
