Memleket basshysynyń tapsyrmasymen QR Premer-Ministri Baqytjan Saǵyntaev Qostanai oblysyna bardy, onda «Qazaqstannyń úshinshi jańǵyrýy: jahandyq básekege qabilettilik» Joldaýy men «Bolashaqqa baǵdar: rýhani jańǵyrý» baǵdarlamalyq maqalasynda alǵa qoiylǵan mindetterdi túsindirip, onyń iske asyrylý barysyn tekseredi.
Baqytjan Saǵyntaev óńirdiń ónerkəsiptik əleýeti men Jańǵyrtý 3.0 aiasynda qabyldanyp jatqan sharalardy baǵalaidy, KTBB tegin oqytý baǵdarlamasyn iske asyrý barysy men MJƏ tetikterin qoldaný týraly baiandamany tyńdaidy, sondai-aq, «Nurly jer» memlekettik baǵdarlamasy boiynsha turǵyn úi salý jumystaryn tekseredi.
QR Premer-Ministri jumys saparynyń kestesindegi negizgi shara oblys jurtshylyǵymen kezdesý bolady, onda óńirdi damytýdyń ózekti máselelerin talqylaý josparlanǵan. Kəsipkerler qaýymymen kezdesý barysynda shaǵyn jáne orta biznesti damytý keleshegi, memlekettik qoldaý kórsetý tetikteri qaralatyn bolady. Baqytjan Saǵyntaev jastarmen Úkimettiń qazaqstandyq jastardyń jeke bəsekege qabilettiligin arttyrý maqsatymen sapaly bilim alýy úshin jasap jatqan múmkindikterin talqylaidy.
QR Premer-Ministriniń jumys saparyndaǵy alǵashqy nysan «Qostanai» halyqaralyq áýejaiy boldy. Munda B. Saǵyntaevqa qaýipsizdikti qamtamasyz etý júiesi men áýe ailaǵyn qaita jóndeý jobasyn iske asyrý barysy týraly esep berildi.
Jańǵyrtý nátijesi retinde jolaýshylar aǵyny eki esege, saǵatyna 400 adamǵa deiin ulǵaitylady. IKAO halyqaralyq azamattyq aviatsiia uiymy sertifikattaý jumystaryn júrgizgen soń, áýejaidyń barlyq ushaqtardy túrine, ushý-qoný massasyna, reis jiiligine qaramastan, eshqandai shekteýsiz qabyldaý múmkindigin rastaýy úlken mańyzǵa ie.
Buǵan deiin QR Premer-Ministri Baqytjan Saǵyntaev Astana halyqaralyq áýejaiynyń jańa jolaýshylar terminalynyń qurylysymen tanysyp, Semei áýejaiyn qaita jóndeý jumystarynyń barysyn baǵalap, sondai-aq Oral men Taldyqorǵan áýejailarynyń jumysyn teksergen bolatyn.
Eske sala keteiik, QR Premer-Ministri Baqytjan Saǵyntaev Qazaqstan óńirlerine jumys saparyn jalǵastyrýda. Osyǵan deiin ol Shyǵys Qazaqstan, Batys Qazaqstan, Aqtóbe jáne Almaty oblystarynda jumys saparymen boldy.
"Ult aqparat"
