Qazaqstannyń Premer-Ministri Baqytjan Saǵyntaev Eýraziialyq Úkimetaralyq keńestiń (EÚAK) kezekti otyrysyna qatysý úshin Bishkekke jumys saparymen bardy, dep habarlaidy QR Úkimetiniń baspasóz qyzmeti.
EÚAK jumysy aiasynda Baqytjan Saǵyntaev Qyrǵyz Respýblikasynyń Premer-Ministri Sooronbai Jeenbekovpen kezdesý ótkizdi. Kezdesý barysynda ekijaqty saýda-ekonomikalyq qatynastar, shekara, kólik-logistika jáne energetika salalaryndaǵy yntymaqtastyq məseleleri talqylandy.
Sondai-aq, erteń EýrazEO-ǵa múshe elderdiń Úkimet basshylarynyń Qyrǵyzstannyń Prezidenti Almazbek Atambaevpen ujymdyq kezdesýi josparlanǵan.
Aita keteiik, Úkimetaralyq keńes - Odaq elderiniń Úkimet basshylarynan quralǵan EýrazEO organy. EÚAK EýrazEO týraly Kelisimshartty, halyqaralyq kelisimsharttardy jáne Joǵarǵy keńestiń sheshimderin júzege asyrýdy jáne olardyń oryndalýyn baqylaýdy qamtamasyz etedi.
