Jekeshelendirý tiimdiligi kvazimemlekettik sektordyń iri strategiialyq kompaniialary IRO-ǵa shyqqannan keiin ǵana bolady. Bul týraly búgin QR Parlamenti palatalarynyń birlesken otyrysynda depýtattardyń saýalyna jaýap bergen QR Úkimet basshysy Baqytjan Saǵyntaev málim etti, dep habarlaidy Ult.kz tilshisi QazAqparat agenttigine silteme jasap.
«Eger sandarǵa júginer bolsaq, 2015 jyly «Samuryq-Qazyna» qorynyń enshiles kompaniialary 600 bolatyn. Memleket basshysynyń tapsyrmasyna sáikes jekeshelendirý bastalyp, olar qysqartyldy. 2016 jyly enshiles jáne táýeldi kompaniialar 400 boldy jáne osy jyldyń sońyna deiin bul san 320-ǵa deiin qysqarady. Bul protsedýra taiaý eki jyldyń ishinde júrgiziledi. Óitkeni, jekeshelendirý baǵdarlamasy 2018 jáne 2019 jyldary jalǵasady. 2020 jylǵa qarai biz bul protsesti aiaqtaýǵa tiispiz», - dedi Baqytjan Saǵyntaev.
Premer-Ministrdiń aitýynsha, jekeshelendiriletin kompaniialardyń basym bóligi shaǵyn nysandar. Negizgi aktivter iri strategiialyq kompaniialardyń qaramaǵynda jáne iri kompaniialardy IRO-ǵa shyǵarý týraly sheshim qabyldanǵan. Atalǵan kompaniialar IRO-ǵa shyqqannan keiin olardy basqarý tetikteri ózgerip strategiialyq investorlar keledi. Mine sol kezde jekeshelendirýdiń tolyq tiimdiligi baiqalady.
