Búgin Úkimet úiinde Qazaqstan Respýblikasynyń Premer-Ministri Baqytjan Saǵyntaev Qazaqstan Respýblikasyndaǵy Japoniianyń Tótenshe jáne Ókiletti Elshisi Itiro Kavabatamen kezdesý ótkizdi, dep habarlaidy "Ult aqparat" primeminister.kz portalyna silteme jasap.
Kezdesý barysynda aǵymdaǵy jaǵdai jáne Qazaqstan men Japoniia arasyndaǵy saýda-ekonomikalyq, mádeni-gýmanitarlyq jáne áskeri-tehnikalyq yntymaqtastyqtyń perspektivaly baǵyttaryn keńeitý máseleleri talqylandy.
Eske sala keteiik, 2016 jyly elder arasyndaǵy ózara saýda $1,1 mlrd (eksport – 558,6 mln, import – 552,9 mln) qurady. 2017 jylǵy qańtar-shildede atalǵan kórsetkish $769,1 mln-ǵa (eksport – 565 mln, import – 203,8 mln) jetti.
QR-ǵa japon investitsiialarynyń birlesken túsimi sońǵy 10 jylda $6,3 mlrd-tan asty. 2016 jyldyń qorytyndysy boiynsha tikelei investitsiialar $470 mln qurady.
Qazaqstanda japon kapitalynyń qatysýymen 70-ten astam kásiporyn bar, olar munai men gaz, metallýrgiia, qarjy, taý-ken ónerkásibi, avtomobilderdi kóterme satý, elektr bailanys, jabdyqtardyń kóterme saýdasy, aǵash daiyndaý jáne logistika siiaqty salalarda jumys jasaidy.
.jpeg)