Baqytjan Saǵyntaev jańa máslihattyń aldynda sóilegen sózinde qalada oryndalýy tiis ózekti mindetterdi atady, dep habarlaidy "Ult aqparat".
VII shaqyrylymdaǵy qala máslihatynyń birinshi sessiiasynda sóz sóilegen Almaty ákimi Baqytjan Saǵyntaev birqatar ózekti mindetterdi atap ótti,. Olardy sheshýge máslihat depýtattary megapolis ákimdigimen birge kirisetin bolady.
Basty baǵyttardyń biri – jumys oryndaryn qurý. Almaty ákiminiń tapsyrýy boiynsha qalada jumyssyzdyqty azaitý jóninde Jol kartasy ázirlenýde. Negizgi maqsat – jumyssyzdyq deńgeiin aldaǵy bes jylda 5,1%-ǵa deiin tómendetý. Sonymen qatar, ortasha jalaqyny 320 myń teńgege deiin arttyrý jáne 240 myńnan astam jumys ornyn qurý.
«Jańa Almaty» keshendi jospary aiasynda qala shetin damytý jáne ómir súrý sapasyn jaqsartý maqsatynda aǵymdaǵy jyly biýdjetten 85 mlrd teńgeden astam qarjy qarastyrylǵan. Jalpy, jyl ishinde barlyq qarjy kózderinen shamamen 200 mlrd teńgege jýyq qarajat bólý josparda. Qalany tolyq jaryqtandyrý boiynsha jumystar júrýde, munda jaryq múldem bolmaǵan oryndarǵa erekshe nazar aýdaryldy. Tek 2020 jyly 1,4 myńnan astam kóshe jaryqtandyryldy, biyl taǵy 600-den astam kósheni jaryqtandyrý qajet. 2023 jylǵa qarai biz qala turǵyndarynyń 99,3%-yn sapaly aýyz sýmen, 100% gaz jáne kósheni jaryqtandyrýmen qamtamasyz etýimiz qajet»,- dedi ákim.
Shaǵyn jáne orta biznest qoldaý maqsatynda júieli sharalar qabyldandy. Memlekettik jáne óńirlik baǵdarlamalar aiasynda jyl saiyn shaǵyn jáne orta bizneske keminde 30 milliard teńge nesie bólinedi. 5 jyl ishinde qalanyń JÓÓ-de ShOB úlesin 40%-dan 45%-ǵa deiin arttyrý josparda.
Bes jyl ishinde NEET sanatyndaǵy 3 myńnan astam jas býyn kásibi oqýdan ótedi. «Jasyl el» aiasynda 5 myń jas ýaqytsha jumys oryndarymen qamtylady. 25 JOO-da 16 myń oryndyq 38 jataqhana, kolledjderde 600 oryndyq 2 jataqhana salynady. Jaldamaly turǵyn úi baǵdarlamasy boiynsha jumysshy jastarǵa 5 myńnan astam páter beriledi dep kútilýde.
Biyl halyqty áleýmettik qorǵaýǵa 39,9 mlrd teńge bólindi. Áleýmettik infraqurylymdy damytý aiasynda aǵymdaǵy jyly 12600 oryndyq 8 mekteptiń, 8388 oryndyq 17 jańa korpýstyń (qosalqy nysan), 640 oryndyq 4 memlekettik balabaqshanyń qurylysyn aiaqtaý kózdelgen. Densaýlyq saqtaý salasynda 5 nysan salynatyn bolady.
Ekologiia salasynda JEO-2 modernizatsiialaý bes jyl ishinde aiaqtalady, qatqyl turmystyq qaldyqtardy qaita óńdeý men ýtilizatsiialaýdyń úlesi 11%-dan 24%-ǵa deiin artty, qaladaǵy jasyl alqaptar aýmaǵy 14 mln sharshy metrden 16,8 mln sharshy metrge deiin ulǵaidy.
Sessiia sońynda Almaty ákimi Baqytjan Saǵyntaev jańarǵan máslihat depýtattaryn almatylyqtardyń ómirin jaqsartý jónindegi alda turǵan mindetterdi sheshý úshin kúsh-jigerlerin biriktirýge shaqyrdy. Sonymen qatar, megapolis ákimi máslihattyń jańa saiasi róli onyń qala turǵyndarymen bailanystaǵy mańyzdy kommýnikatsiialyq býyn ekenin erekshe atap ótti.
«Sizderdiń qalalyqtarmen belsendi jumys jasaityndaryńyzǵa senimdimin», - dedi B. Saǵyntaev.
