Úkimet basshysy Baqytjan Saǵyntaev kelisilmegen jumysy úshin ministrlerdi synǵa aldy, - dep habarlaidy "Ult aqparat" kaz.tengrinews.kz portalyna silteme jasap. Bul týraly premer-ministr Nursultan Nazarbaevtyń qatysýymen ótken keńeitilgen úkimet otyrysynan keiingi ministrler kabinetiniń otyrysynda málimdedi.
"Memleket basshysy nazar aýdarǵan taǵy bir másele. Árbir ministr úkimet múshesi retinde ózi basshylyq etetin memlekettik organnyń atynan ekonomika salasyndaǵy damýǵa jaýapkershilik arqalaidy. Árbirińizde shyqqan árbir problemalyq máseleler boiynsha sheshim shyǵarýǵa jáne ministr áriptesterińizben tiimdi árekettestik etýge quzyretterińiz bar", - dep málimdedi premer senbilik úkimet otyrysy barysynda.
Saǵyntaev premer-ministrdiń keńsesine endigide sheshetin másele óz quzyretinde bolsa, ministrlikter men ákimdikterdiń suraqtary bar hattaryn qabyldamaýǵa tapsyrdy. Sondai-aq, ol vedomstvolardyń quzyryndaǵy máseleler boiynsha premer-ministrdiń jáne onyń orynbasarlarynyń deńgeiinde jinalys ótkizýine tyiym saldy.
"Ádette bylai bolady. Jinalys ótkizýdi suraidy, "Belgili bir másele boiynsha ministrler ózara áńgimelesti me?" dep suraq qoiamyz, sóitsek, "Joq, sóilespedi" dep jaýap beredi. Iaǵni ministrler bir-birimen áńgimelesýge erinip, vitse-premer ne premerdiń deńgeiinde jinalys ótkizýdi úkimetten suraidy. Bulai bolmaidy. Onyń ústine endi bizde eki ǵana vitse-premer qaldy. Sizderdiń máselelerińizben ainalysatyn adam joq, óz máselelerimiz jetkilikti. Sondyqtan ózderińiz sheshińizder", - dep málimdedi Saǵyntaev.
Eske salaiyq, keshe, 3 aqpanda Imanǵali Tasmaǵambetov premer-ministrdiń orynbasary qyzmetinen bosatylyp, Qazaqstan Respýblikasynyń Resei Federatsiiasyndaǵy Tótenshe jáne Ókiletti elshisi bolyp taǵaiyndalǵan edi.
