Búgin Almaty qalasyna resmi sapary aiasynda QR Premer-Ministri Baqytjan Saǵyntaev qalanyń týristik áleýetiniń damýymen tanysý maqsatynda birqatar infraqurylymdyq nysandarǵa: «Almaty-2» temirjol vokzalyna jáne Visit Almaty týristik habyna bardy. Osy jerde Carsharing jańa servisiniń prezentatsiiasy ótti, dep habarlaidy "Ult aqparat".
Biyl qarasha aiynda Balýan Sholaq atyndaǵy Sport saraiynda ashylǵan Visit Almaty týristik habyn aralý kezinde Premer-Ministrge konsýltatsiia ortalyǵynda ár týristiń barlyq qajetti aqparatty: kartalardy, jolnusqaýlardy, taý baǵdarlarynyń atlastaryn, týroperatorlardyń broshiýralaryn, mádeni-buqaralyq sharalardyń ańdatpalaryn t.b. ala alatyny týraly baiandaldy. Budan basqa, konsýltanttar túrli máselelerdi — zańmen jáne densaýlyqpen bailanysty shuǵyl máselelerden bastap, logistikalyq, mysaly, «qai jerde tamaq iship, Kóktóbege qalai jetýge bolady» degen tárizdi máselelerdi sheshýge deiin kómek kórsete alady. 11 aida ortalyqtan 25,2 myńnan astam týrist keńes alǵan.
B. Saǵyntaev týristerdiń aqparattyq ortalyǵyn aralap kórdi. Qazaq Oner qolóner ortalyǵynyń direktory A. Janserikova fotoǵa túsýge bolatyn kiiz úi mańynda kiiz úimen tanystyryp, habtyń tiimdi ornalasýyn atap ótti. Munda týristik áleýetti ilgerletý boiynsha jobalar iske asyrylyp, óńirdiń básekege qabilettiliginiń jáne týrizmdi damytý múmkindikteriniń taldaýy jasalady. Ortalyq aýmaǵynda ulttyq stilde naqyshtalǵan jeti tanym aimaǵy ashyldy, týristerge arnalǵan kovorking-alań bar.
Qala ákiminiń orynbasary E. Áýkenov óz kezeginde, júrgizilip jatqan jumystardyń arqasynda qaladaǵy týrister sany biyl ótken jylmen salystyrǵanda 11%-ǵa artqanyn baiandady. Almatyǵa 43,6% týrist kelgen, bul Qazaqstanǵa keletin sheteldik týristerdiń jartysyna jýyǵy. 2018 jyldyń II toqsanynda Almatyǵa kelgen týristerdiń sany 503 myń adamdy qurady.
Týristik tartymdylyqty arttyrýǵa múmkindik beretin jobalardyń biri 2019–2020 jyldarǵa josparlanǵan, «Almaty-2» temrjol vokzalynyń rekonstrýktsiiasy bolady. Nysandy aralaý kezinde B. Saǵyntaevqa jobanyń «Almaty-2» jáne «Almaty-1» arasynda ekinshi joldy, qosymsha terminaldy, jerasty ótkelderi men qala mańy baǵyttary úshin jańa jolaýshylar platformalaryn salýdy qarastyratyny baiandaldy. Jalpy, vokzaldy jańǵyrtý nysannyń paidaly aýmaǵyn eki esege arttyrýǵa múmkindik beredi.
Munda Premer-Ministrge ońtústik astananyń kólik infraqurylymyn damytý týraly baiandalyp, «Karshering» jańa servis júiesi tanystyryldy. Bul júie mobildi qosymsha arqyly avtomobildi minýtpen jalǵa alýdy rásimdeýge múmkindik beredi. Bul qyzmet júrgizýshi kýáligi bar kez kelgen adam úshin qoljetimdi. Almatyda servis osy jyldyń qazan aiynda iske qosyldy, ótken ýaqyt ishinde serviske tirkelgen paidalanýshylar sany 10 myń adamnan asady. B. Saǵyntaev servis paidalanýshylary úshin qoljetimdi bolatyn jańa jeńil kólikter qataryn kórdi. Barlyǵy júzden astam avtomobil qoiylǵan, 2019 jyly olardyń sany 500-ge jetedi, al 2021 jyly elimizde 1,5 myń avtomobilden turatyn park bolady. Anytime kompaniiasynyń aqparatyna sáikes, 2019 j. naýryzda servisti Astanada, al 2019 jyldyń sońynda Shymkentte iske qosý kózdelip otyr.
Almaty ákimdiginiń aqparaty boiynsha, biyl qalalyq avtobýs parkin jańartý kórsetkishi 80%-ǵa jetedi. Jeke investitsiialar esebinen avtopark pen úshinshi býynnyń elektrlik avtobýstaryn shyǵaratyn zaýyt salyndy. Olardy ári qarai qala marshrýtyna qosqannan keiin Almaty qalasynyń ekologiialyq ahýalyna oń áser eteri sózsiz. Sondai-aq, Almatyda Qazaqstanda alǵashqy BRT (jyldamdyǵy joǵary qoǵamdyq kólik) jelisi uiymdastyryldy. Qoǵamdyq kólik úshin 110 shaqyrymdyq jol men 10 ortalyq kóshelerde bir jaqty qozǵalys engizildi, al Orbitadan Jasyl bazarǵa deiin velodáliz jasaldy. Qalanyń ortalyǵyn shetki bólikterimen, qalaǵa qosylǵan aýdandarmen bailanystyratyn eki metro stantsiiasy salynyp jatyr. Búginde Almatyda qoǵamdyq kóliktegi barlyq tranzaktsiialardyń 97%-y qolma-qol aqshasyz júzege asyrylady. GPS júiesimen jáne avtobýstardaǵy beinekameralarmen avtomattandyrylǵan dispetcherlik basqarý júiesi engizildi, sondai-aq tasymaldaýshylardy sýbsidiialaý kezinde jolaýshylardyń shaǵymdary túsetin aiyppuldar júiesi engizildi. Qalada jol qozǵalysy erejelerin buzýdyń foto-beinetúsirilim júiesi bar, 709 jolaq baqylanady, kelesi jyldan bastap posttar eki esege artpaq.
Esterińizge sala keteiik, Memleket basshysy týrizmdi damytýǵa erekshe kóńil bóledi. «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Qazaqstan halqyna Joldaýynda kez-kelgen óńir úshin bolashaǵy jarqyn salanyń biri búginde álemdegi árbir onynshy jumys ornyn quryp otyrǵan ishki jáne kirmelik týrizmdi damytý ekendigi aityldy. Osyǵan bailanysty Úkimet infraqurylymdy damytý jáne týrizm indýstriiasyndaǵy kedergilerdi joiý boiynsha keshendi jumys júrgizip keledi. 2019 jyly týrizmdi 2023 jylǵa deiin damytýdyń memlekettik baǵdarlamasy alǵash ret ázirlenedi. Baǵdarlamanyń negizgi kórsetkishi týrizmniń JIÓ-ge qatysty úlesiniń 8%-ǵa deiin ulǵaiýy bolmaq.
