QR Premer-Ministri Baqytjan Saǵyntaev Úkimet otyrysynda Ýniversiadanyń joǵary deńgeide ótkizilgenin atap ótip, is-shara uiymdastyrýshylaryna, sondai-aq joǵary sporttyq nátijelerge qol jetkizgen elimizdiń stýdenttik quramasyna alǵysyn bildirdi.
B. Saǵyntaev Ýniversiadanyń ótkizilýi Almaty qalasyn damytýǵa serpin bergenin, osyǵan orai aldaǵy Astanada ótetin halyqaralyq EKSPO kórmesi aiasynda mundai iri is-sharalardy ótkizý tájiribesin paidalaný kerektigin atap ótti.
«Mádeniet jáne sport ministrligine Ýniversiada jeńimpazdary men júldegerlerine, sonymen qatar olardyń jattyqtyrýshylaryna ýaqytyly tólem júrgizýdi tapsyramyn. Sondai-aq, Mádeniet jáne sport ministrligi Almaty qalasynyń ákimdigimen birlesip sporttyq ǵimarattardy odan ári paidalaný máselesin naqty sheshýi tiis», - dedi B. Saǵyntaev.
Eske salaiyq, 2017 jylǵy 28-shi Dúniejúzilik qysqy Ýniversiada 29 qańtar men 8 aqpan aralyǵynda Almaty qalasynda ótti. Qysqy Ýniversiada baǵdarlamasyna 12 sport túri endi, jarystarǵa 2 myńǵa jýyq sportshy qatysty. Jarystar álemniń 80 eline transliatsiialandy. Ýniversiada ótip jatqan ýaqytta Almatyǵa 30 myńǵa jýyq otandyq jáne sheteldik týrist keldi. Jarystardyń nátijesinde, Qazaqstan 11 altyn, 8 kúmis jáne 17 qola medaldy ielenip, jalpykomandalyq esepte ekinshi oryn aldy.
Ult portaly
.jpeg)