Búgin Úkimet úiinde QR Premer-Ministri Baqytjan Saǵyntaev Úndistannyń syrtqy ister ministri Sýshma Svaradjben kezdesý ótkizdi. Bul týraly QR Premer-Ministriniń resmi saity habarlady.
Kezdesý barysynda saýda-ekonomika, qorǵanys ónerkásibi, ǵarysh, kólik-logistika salalaryndaǵy ekijaqty qarym-qatynasty nyǵaitý jáne odan ári keńeitý máseleleri talqylandy. Taraptar aýyl sharýashylyǵy, farmatsevtika, AT-indýstriiasy, investitsiialar jáne tehnologiialar transferti salalaryndaǵy ózara tiimdi yntymaqtastyqty jandandyrýǵa qyzyǵýshylyq tanytty. Sonymen qatar, jetekshi úndilik qarjy jáne investitsiialyq kompaniialardyń «Astana» halyqaralyq qarjy ortalyǵynyń jumysyna qatysýyna bailanysty máseleler qozǵaldy.
Qazaqstan men Úndistan arasyndaǵy taýar ainalymy 2018 jyldyń qańtar–sáýir aralyǵynda $250,3 mln-dy qurady, bul ótken jyldyń sáikes kezeńimen salystyrǵanda ($190,7 mln) 31,2%-ǵa joǵary.
Qazaqstannan Úndistanǵa eksport 2018 jyldyń qańtar–sáýir ailarynda 37%-ǵa ósip, $174,2 mln qurady. Qazaqstannan Úndistanǵa eksporttalatyn negizgi taýarlar: shiki munai, kúmis, asbest, sýtek, inertti gazdar jáne basqa da metall emes zattar, ferroqorytpalar, tantal jáne olardan jasalǵan buiymdar jáne t.b.
Úndistannan Qazaqstanǵa 2018 jyldyń qańtar-sáýir ailarynda import kólemi 19,8%-ǵa artyp, $76,1 mln qurady. Negizinen bul kórik jáne ónerkásiptik peshter, topyraqty suryptaý jáne usaqtaýǵa arnalǵan jabdyqtar, otqa tózimdi keramikalyq buiymdar, topyraq jumystaryna arnalǵan mashinalar men mehanizmder jáne basqa da taýarlar.
.jpeg)