QR Premer-Ministri Baqytjan Saǵyntaev Úkimet otyrysy barysynda ministrlikterge azamattardyń kelgen jerinde ýaqytsha tirkelý normalary men erejeleri týraly aýqymdy túsindirý jumystaryn júrgizýdi tapsyrdy, "Ult aqparat" baspasóz qyzmetine silteme jasap.
«Qazir qoǵamda, buqaralyq aqparat quraldarynda azamattardyń ýaqytsha tirkelýine qatysty taqyryp belsendi túrde talqylanýda. Adamdardyń saýaldary kóp, al aqparat jetkiliksiz. HQKO-larda kezek kóbeigen», - dedi B.Saǵyntaev.
Premer-Ministr QR IIM-ine QR AKM-imen birlesip jańashyldyqty túsindirý boiynsha aýqymdy aqparattyq jumystar júrgizýdi jáne tirkeý sharasyn barynsha jedel júzege asyrýdy tapsyrdy. B.Saǵyntaev bul «Azamattar úshin úkimet» memlekettik korporatsiiasynyń da mindeti ekenin eske saldy.
«Azamattarymyzǵa olar úshin qolaily ýaqytta tirkelýge múmkindik berýimiz kerek. Ol úshin HQKO-ynda jumys isteitin terezeler sanyn barynsha kóbeitip, qyzmet kórsetetin operatorlar sanyn jetkilikti etý kerek», - dep naqtylady B.Saǵyntaev.
