Jambyl oblysynyń ákimi Kárim Kókirekbaev úkimet basshysyna Tarazda bolǵan joiqyn daýyldyń saldary jaily aityp berdi, - dep habarlaidy "Ult aqparat" kaz.tengrinews.kz portalyna silteme jasap.
"Taraz qalasyndaǵy 13-shi yqshamaýdanda jyldamdyǵy sekýndyna 30 metrge jetetin daýyl turyp, úilerdiń shatyrlary qulady. 1994 jylǵy jumysshy Bekseiitov jáne 1963 jylǵy Nurjan - ekeýi de alǵan jaraqattarynan oqiǵa ornynda kóz jumdy. 8-synyp oqýshysy Mámetaliev Bekzat symdy basyp ketip, qaza boldy. Dál sol ýaqytta turǵyn úidiń metall qaqpalary qulap, 1986 jylǵy Hamitqyzy men 1966 jylǵy Beksultanova jaraqat alyp, aýrýhanaǵa jetkizildi. 2006 jylǵy Orynbasar esimdi er adamǵa aǵash qulap, ol da aýrýhanaǵa jetkizildi", - dedi óńir ákimi Kárim Kókirekbaev úkimet otyrysy barysynda.
Sondai-aq, onyń aitýynsha, aǵashtardyń jappai qulaýyna bailanysty elektr jelis men gaz symdary úzildi. Tótenshe jaǵdaidyń sebepterin anyqtaityn jáne zardap shekkenderge kómek kórsetetin komissiianyń birinshi orynbasarynyń basshylyǵymen komissiia quryldy. Ákimniń aitýynsha, tańǵy ýaqytta apat-qutqarý qyzmetindegiler jaryq júiesi 100 paiyzǵa iske qosyldy, sondai-aq, qalany qulaǵan aǵashtardan jáne qoqystan tazartý jumystary júrgizilip jatyr.
"Qalanyń úzdiksiz tirshilik áreketin qamtamasyz etý úshin, ásirese jaryq berý jáne gazben qamtý jelileri boiynsha barlyq sharalardy qoldaný qajet. Birinshi kezekte, qaitys bolǵandardyń otbasylaryna barlyq qajetti kómek kórsetilýi tiis", - dedi premer-ministr Baqytjan Saǵyntaev.
Eske sala keteiik, keshe, 29 mamyrda Tarazda qatty daýyl turyp, eki adamnyń opat bolǵany jaily habarlanǵan bolatyn. "13-shi yqshamaýdan. Jel turǵan kezde baǵan qurylysshylardyń ústine qulaǵan. Eki adam qaza tapty. Qolaisyz aýa raiynda saq bolyńyzdar, tarazdyqtar", - dep pikir jazǵan edi @tip_taraz degen qoldanýshy.
Al keiinirek buryn-sońdy bolmaǵan daýyldan taǵy birneshe adamnyń zardap shekkeni habarlandy. Jambyl oblystyq TJD baspasóz qyzmetiniń málimetinshe, eki áiel men bir bala zardap shekken. Jeldiń jyldamdyǵy sekýndyna 27 metrge deiin jetken.
.jpeg)