"Ońai" ońai bolmai shyqty", dedi QR premer-ministri Baqytjan Saǵyntaev Almatydaǵy elektrondy biletteý jobasyn engizý týraly sózinde, - dep habarlaidy "Ult aqparat" kaz.tengrinews.kz portalyna silteme jasap.
Baqytjan Saǵyntaevqa elektrondy biletteý júiesi 2016 jyly tolyq iske asyrylǵany týraly habarlandy. "Joba istep tur ma? Qansha shý kóterildi. "Ońai" ońai bolmady ǵoi", - dedi úkimet basshysy.
Bul sózben Almaty ákimi Baýyrjan Baibek te kelisti. "Iá, ońai bolmady. Biraq jalpylai kórsetkishter bar. Ashyqtyq. Qazir "Ońai" kartalary bar turǵyndar Shymbulaqqa kire alady, kezekke turmaidy. Eger biz ony Almaty turǵyndarynyń biryńǵai kartasymen biriktiretin bolsaq, utymdy bolady. Al jalpylai bul júieniń aishyq bolýyna septesedi. Uzaq jyldar qolma-qol tólem bolyp, ashyqtyq joq edi, qarjy quiý múmkin bolmaityn", - dedi ákim.
Sonymen qatar, qala ákimi kóliktik zańnamany jetildirý týraly usynystar jasalǵanyn aita ketti. "Búkil álemde jol aqysyn tóleý kartasynan bir jolǵy bilet quny birneshe ese joǵary. Bizdiń zańnama boiynsha túrli baǵa qoiý múmkin emes. Eger biz tarifterdi kóterip, arzandatyp jatsaq, jeńildigi bar jolaýshylarǵa dotatsiia tóleýimiz kerek. Differentsiiatsiialanǵan jol aqysy qajet. Bir rettik jol aqysy qymbatyraq bolǵany jón", - dedi Baýyrjan Baibek. Qazirgi kezde zańnamaǵa túzetýler engizý talqylanyp jatqanyn da aita ketti ol.
