"وڭاي" وڭاي بولماي شىقتى", دەدٸ قر پرەمەر-مينيسترٸ باقىتجان ساعىنتاەۆ الماتىداعى ەلەكتروندى بيلەتتەۋ جوباسىن ەنگٸزۋ تۋرالى سٶزٸندە, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
باقىتجان ساعىنتاەۆقا ەلەكتروندى بيلەتتەۋ جٷيەسٸ 2016 جىلى تولىق ٸسكە اسىرىلعانى تۋرالى حابارلاندى. "جوبا ٸستەپ تۇر ما? قانشا شۋ كٶتەرٸلدٸ. "وڭاي" وڭاي بولمادى عوي", - دەدٸ ٷكٸمەت باسشىسى.
بۇل سٶزبەن الماتى ەكٸمٸ باۋىرجان بايبەك تە كەلٸستٸ. "يە, وڭاي بولمادى. بٸراق جالپىلاي كٶرسەتكٸشتەر بار. اشىقتىق. قازٸر "وڭاي" كارتالارى بار تۇرعىندار شىمبۇلاققا كٸرە الادى, كەزەككە تۇرمايدى. ەگەر بٸز ونى الماتى تۇرعىندارىنىڭ بٸرىڭعاي كارتاسىمەن بٸرٸكتٸرەتٸن بولساق, ۇتىمدى بولادى. ال جالپىلاي بۇل جٷيەنٸڭ ايشىق بولۋىنا سەپتەسەدٸ. ۇزاق جىلدار قولما-قول تٶلەم بولىپ, اشىقتىق جوق ەدٸ, قارجى قۇيۋ مٷمكٸن بولمايتىن", - دەدٸ ەكٸم.
سونىمەن قاتار, قالا ەكٸمٸ كٶلٸكتٸك زاڭنامانى جەتٸلدٸرۋ تۋرالى ۇسىنىستار جاسالعانىن ايتا كەتتٸ. "بٷكٸل ەلەمدە جول اقىسىن تٶلەۋ كارتاسىنان بٸر جولعى بيلەت قۇنى بٸرنەشە ەسە جوعارى. بٸزدٸڭ زاڭناما بويىنشا تٷرلٸ باعا قويۋ مٷمكٸن ەمەس. ەگەر بٸز تاريفتەردٸ كٶتەرٸپ, ارزانداتىپ جاتساق, جەڭٸلدٸگٸ بار جولاۋشىلارعا دوتاتسييا تٶلەۋٸمٸز كەرەك. ديففەرەنتسيياتسييالانعان جول اقىسى قاجەت. بٸر رەتتٸك جول اقىسى قىمباتىراق بولعانى جٶن", - دەدٸ باۋىرجان بايبەك. قازٸرگٸ كەزدە زاڭناماعا تٷزەتۋلەر ەنگٸزۋ تالقىلانىپ جاتقانىن دا ايتا كەتتٸ ول.
