Baqytjan Saǵyntaev erekshe qajettilikteri bar balalarǵa arnalǵan oqý protsesin uiymdastyrýdyń jaǵdailarymen tanysty, dep habarlaidy "Ult aqparat".
Almaty ákimi Baqytjan Saǵyntaev jumys sapary barysynda №7 arnaiy túzetý mektep-internatynda boldy.
Qala ákimi Saǵyntaev Instagram paraqshasynda jańa toqsannyń bastalýyna orai mektepterde kezekshi toptardyń sany artqanyn atap ótti.
Mundaǵy eń osaly – múmkindigi shekteýli balalar.
«№7 arnaiy túzetý mektep-internatynda bolyp, oqý protsesiniń uiymdastyrylýymen, qolǵa alynǵan sanitarlyq-epidemiologiialyq qaýipsizdik sharalarymen tanystym», - dep jazdy B. Saǵyntaev.
Mektepte 216 bala bilim alady. Odan basqa 200 balaǵa úi jaǵdaiynda sabaq beriledi. Áleýmettik-psihologiialyq ońaltý men beiimdeý, shyǵarmashylyq áleýetti damytý men eńbekke baýlý úshin barlyq jaǵdai jasalǵan. Tigin nemese aǵash ustasy isiniń qyr-syryn meńgere otyryp, jasóspirimder 9-synyptan keiin kolledjge túsip, mamandyq alady. Sondai-aq munda emdik dene shynyqtyrý, mýzyka men bi boiynsha sabaqtar ótedi.
«Erekshe qajettilikteri bar balalarǵa qoldaý kórsetip, olardyń jan-jaqty damýyna barynsha jaǵdai jasaityn bolamyz. Ata-analarynyń shydamdylyq tanytqany mańyzdy. Óitkeni, erekshe balalardy áleýmettendirý protsesi ońai emes», - dep atap ótti Almaty ákimi.
