Almatyda 375 múlik ieleriniń birlestigi men 391 jai seriktestik quryldy. Bul týraly Baqytjan Saǵyntaev málim etti, dep habarlaidy "Ult aqparat".
Qala ákimi Instagram-daǵy paraqshasynda PIK-ti qaita qurý naýqany jalǵasyp jatqanyn jazdy. Búgingi kúni Almatyda 375 múlik ieleriniń birlestigi men 391 jai seriktestik quryldy.
«Negizgi artyqshylyǵy sol, turǵyndar ortaq múlikti kútip ustaý men ony saqtaýdaǵy barlyq qarjy-sharýashylyq qyzmetti ózderi basqarady. Turǵyndar basqarýshy jáne servistik uiymdarmen, kommýnaldyq qyzmetterdi tańdap, kerek bolsa shartqa otyryp, olardyń jumys sapasyn tekserip, jumystyń oryndalǵan kólemi úshin ǵana aqy tóleidi», – dep jazdy ákim.
PIK basqarýshy ári servistik kompaniiaǵa ainalady. Qaita qurylý jumysy 2022 jyldyń 1 shildesine deiin aiaqtalýy tiis.
«PIK ondaǵan, tipti júzdegen úilerdi basqarady. Bul rette qarajat barlyq úige bólinedi. PIK-te bir úige tiesili bir shot bolady. Qaita qurylý jumysy 2022 jyldyń 1 shildesine deiin aiaqtalýy tiis. PIK basqarýshy ári servistik kompaniiaǵa ainalady. Eń bastysy – ózgeriske umtylyp, úi basqarý isin qolǵa alý qajet», – dep atap ótti Baqytjan Saǵyntaev.
