Búgin Úkimet otyrysy barysynda QR Premer-Ministri Baqytjan Saǵyntaev Qazaqstanda mindetti áleýmettik meditsinalyq saqtandyrýdy odan ári engizý boiynsha birqatar tapsyrmalar berdi, dep habarlaidy "Ult aqparat".
Otyrys aiasynda MÁMS engizý taqyrybynda QR densaýlyq saqtaý ministri E. Birtanov, «Áleýmettik meditsinalyq saqtandyrý qory» kommertsiialyq emes aktsionerlik qoǵamy basqarmasynyń tóraǵasy E. Bahmýtova, Mańǵystaý oblysynyń ákimi E. Toǵjanov, Aqmola oblysynyń ákimi M. Myrzalin jáne Atyraý oblysy ákiminiń birinshi orynbasary S. Luqpanov baiandama jasady.
Baqytjan Saǵyntaev densaýlyq saqtaý, aqparat jáne kommýnikatsiialar ministrlikterine oblystardyń, Astana, Almaty qalalarynyń ákimdikterimen birge jumys berýshiler, kásipkerler jáne ózin-ózi jumyspen qamtyǵan azamattar arasynda aqparattyq-túsindirý jumysyn jandandyrýdy tapsyrdy. Budan ózge, Memlekettik kirister komitetimen birge jumys berýshiler men jeke kásipkerlerdiń aýdarymdary men jarnalaryn tóleý boiynsha apta saiynǵy monitoring júrgizý tapsyryldy.
Sondai-aq, Premer-Ministr tabystary tómen, nemese joq azamattarǵa basa nazar aýdarýdy tapsyrdy. Oǵan beiresmi sektor jumysshylary, tirkelmegen jumyssyzdar, mártebesi joq tulǵalar jatady.
Bul azamattar mindetti áleýmettik meditsinalyq saqtandyrý júiesinen tys qalmaýy úshin Eńbek jáne halyqty áleýmettik qorǵaý ministrligine oblystardyń, Astana, Almaty qalalarynyń ákimderimen birge kelesilerdi pysyqtaý tapsyryldy:
- osyndai tulǵalardy olardyń málimetterin (JSN, meken-jaiy, telefony jáne t. b.) kórsete otyryp, sáikestendirý tetigi;
- mindetti áleýmettik meditsinalyq saqtandyrý júiesimen qamtý maqsatynda olardy jumyspen qamtamasyz etý sharalary.
Sondai-aq, Densaýlyq saqtaý ministrligine «Mindetti áleýmettik meditsinalyq saqtandyrý týraly» Zańǵa jaqynda engizilgen ózgeristerdi eskere otyryp, aǵymdaǵy jyldyń tamyzynyń sońyna deiin mindetti áleýmettik meditsinalyq saqtandyrýdyń normativtik quqyqtyq aktilerin ázirleýdi jedeldetý tapsyryldy.
