بٷگٸن ٷكٸمەت وتىرىسى بارىسىندا قر پرەمەر-مينيسترٸ باقىتجان ساعىنتاەۆ قازاقستاندا مٸندەتتٸ ەلەۋمەتتٸك مەديتسينالىق ساقتاندىرۋدى ودان ەرٸ ەنگٸزۋ بويىنشا بٸرقاتار تاپسىرمالار بەردٸ, دەپ حابارلايدى "ۇلت اقپارات".
وتىرىس اياسىندا مەمس ەنگٸزۋ تاقىرىبىندا قر دەنساۋلىق ساقتاۋ مينيسترٸ ە. بٸرتانوۆ, «ەلەۋمەتتٸك مەديتسينالىق ساقتاندىرۋ قورى» كوممەرتسييالىق ەمەس اكتسيونەرلٸك قوعامى باسقارماسىنىڭ تٶراعاسى ە. باحمۋتوۆا, ماڭعىستاۋ وبلىسىنىڭ ەكٸمٸ ە. توعجانوۆ, اقمولا وبلىسىنىڭ ەكٸمٸ م. مىرزالين جەنە اتىراۋ وبلىسى ەكٸمٸنٸڭ بٸرٸنشٸ ورىنباسارى س. لۇقپانوۆ بايانداما جاسادى.
باقىتجان ساعىنتاەۆ دەنساۋلىق ساقتاۋ, اقپارات جەنە كوممۋنيكاتسييالار مينيسترلٸكتەرٸنە وبلىستاردىڭ, استانا, الماتى قالالارىنىڭ ەكٸمدٸكتەرٸمەن بٸرگە جۇمىس بەرۋشٸلەر, كەسٸپكەرلەر جەنە ٶزٸن-ٶزٸ جۇمىسپەن قامتىعان ازاماتتار اراسىندا اقپاراتتىق-تٷسٸندٸرۋ جۇمىسىن جانداندىرۋدى تاپسىردى. بۇدان ٶزگە, مەملەكەتتٸك كٸرٸستەر كوميتەتٸمەن بٸرگە جۇمىس بەرۋشٸلەر مەن جەكە كەسٸپكەرلەردٸڭ اۋدارىمدارى مەن جارنالارىن تٶلەۋ بويىنشا اپتا سايىنعى مونيتورينگ جٷرگٸزۋ تاپسىرىلدى.
سونداي-اق, پرەمەر-مينيستر تابىستارى تٶمەن, نەمەسە جوق ازاماتتارعا باسا نازار اۋدارۋدى تاپسىردى. وعان بەيرەسمي سەكتور جۇمىسشىلارى, تٸركەلمەگەن جۇمىسسىزدار, مەرتەبەسٸ جوق تۇلعالار جاتادى.
بۇل ازاماتتار مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸنەن تىس قالماۋى ٷشٸن ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە وبلىستاردىڭ, استانا, الماتى قالالارىنىڭ ەكٸمدەرٸمەن بٸرگە كەلەسٸلەردٸ پىسىقتاۋ تاپسىرىلدى:
- وسىنداي تۇلعالاردى ولاردىڭ مەلٸمەتتەرٸن (جسن, مەكەن-جايى, تەلەفونى جەنە ت. ب.) كٶرسەتە وتىرىپ, سەيكەستەندٸرۋ تەتٸگٸ;
- مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸمەن قامتۋ ماقساتىندا ولاردى جۇمىسپەن قامتاماسىز ەتۋ شارالارى.
سونداي-اق, دەنساۋلىق ساقتاۋ مينيسترلٸگٸنە «مٸندەتتٸ ەلەۋمەتتٸك مەديتسينالىق ساقتاندىرۋ تۋرالى» زاڭعا جاقىندا ەنگٸزٸلگەن ٶزگەرٸستەردٸ ەسكەرە وتىرىپ, اعىمداعى جىلدىڭ تامىزىنىڭ سوڭىنا دەيٸن مٸندەتتٸ ەلەۋمەتتٸك مەديتسينالىق ساقتاندىرۋدىڭ نورماتيۆتٸك قۇقىقتىق اكتٸلەرٸن ەزٸرلەۋدٸ جەدەلدەتۋ تاپسىرىلدى.
