Búgin Úkimet úiinde Qazaqstan Respýblikasynyń Premer-Ministri Baqytjan Saǵyntaev Qyrǵyz Respýblikasynyń Premer-Ministri Sapar Isakovpen kelissózder júrgizýde, dep habarlaidy "Ult aqparat".
Astanaǵa keshke qarai Qyrǵyzstan Respýblikasynyń Premer-Minstri Sapar Isakov bastaǵan delegatsiia keldi. Delegatsiia quramynda birinshi vitse-premer-ministr T.Abdygýlov, syrtqy ister ministri E.Abdyldaev, qarjy ministri A.Qasymaliev, ekonomika minstri A.Novikov, memlekettik keden qyzmetiniń tóraǵasy A.Sýlaimanov, memlekettik salyq qyzmetiniń tóraǵasy O.Abdykaimov, memlekettik ekonomikalyq qylmystarǵa qarsy kúres qyzmetiniń Z.Osmonov, memlekettik kóshi-qon qyzmetiniń tóraǵasy M.Aidaraliev, memlekettik keden qyzmeti tóraǵasynyń orynbasary K.Isakov jáne basqalary bar. Eki jaqty kelissózder shaǵyn quramda ótkizildi.
Qazirgi ýaqytta eki el ministrlikteri men vedomstvolary basshylarynyń qatysýymen keńeitilgen quramda kelissózder júrgizilip jatyr.
Anyqtama:
Qazaqstan Respýblikasynyń Qyrǵyz Respýblikasymen saýda ainalymy 2017 jyldyń qańtar-shilde aralyǵynda $399,2 mln-dy quraǵan, sondai-aq, ótken jyldyń osy kezeńimen ($311,6 mln) salystyrǵanda 28,1%-ǵa ($87,6 mln) ulǵaiǵan.
Qazaqstannyń Qyrǵyz Respýblikasymen 2017 jyldyń qańtar-shilde aralyǵyndaǵy saýda teńgerimi oń kórsetkishke ie bolyp, $127,6 mln-dy quraǵan. Bul ótken jylmen ($101,2 mln) salystyrǵanda 26%-ǵa ósken.
