Almaty ákimi Baqytjan Saǵyntaev jaýapty basqarmalarǵa qurylys alańdarynda qaýipsizdik erejeleriniń saqtalýyn tekserýdi tapsyrdy, dep habarlaidy "Ult aqparat".
Almaty qalasynyń ákimi Baqytjan Saǵyntaev Facebook-taǵy paraqshasynda úsh jasar balanyń qaiǵyly qazasyna bailanysty kóńil aitty.
«Búgin qaiǵyly oqiǵa boldy. 3 jasar balanyń ómiri úzildi. Jaqyndary men týystaryna kóńil aitamyn. Politsiia jan-jaqty ári obektivti tergeý júrgizedi. Jaily qalalyq orta men qala qurylysyn baqylaý basqarmalaryna bul nysandaǵy merdigerler men qosalqy merdigerlerdiń qurylys normalary men erejelerin saqtaýyn tekserýdi tapsyrdym. Sondai-aq, qalanyń barlyq qurylys kompaniialarynyń jumys kezinde qaýipsizdik tehnikasyn qanshalyqty saqtaitynyn tekserýdi tapsyrdym»,-dep jazdy Baqytjan Saǵyntaev.
Búgin Almatyda 28 panfilovshylar saiabaǵynda úsh jasar balany júk kótergish aýyr kólik basyp ketti.
Kishkentai bala alǵan jaraqattarynan oqiǵa orynda kóz jumdy.
