Baqytjan Saǵyntaev «Almaty» telearnasyndaǵy tiklei efir barysynda Qulja traktisindegi jolaiyryǵy qoldanysqa qashan beriletini týraly aitty, dep habarlaidy QazAqparat.
Onyń aitýynsha, qurylys-montajdaý jumystary kestege sai júrgizilýde. Qazirgi kezde №1 estakada qurylysy jáne ainalma joldardy salý jumystary aiaqtaldy.
Osy aidyń sońyna deiin qozǵalysty ýaqytsha syzba boiynsha ashý josparda. Estakada boiymen Qulja traktisi arqyly eki baǵytta kólik qozǵalysy uiymdastyrylady.
Budan basqa, shyǵysqa qarai qozǵalys kezinde Buqtyrma kóshesinen Qulja traktisine túseberis jol boiynsha, sondai-aq Qulja traktisi boiymen qozǵalys kezinde ainalma alańynsyz Buqtyrma kóshesine túseberis jol ashý kózdelgen.
Bul jolairyǵy qurylysy aýdanynda kólik qozǵalysyn uiymdastyrýdy edáýir jaqsartady jáne osy ýchaskedegi kólik júktemesin azaitady.
«Barlyq baǵyttaǵy qozǵalysty ashý 2022 jyldyń birinshi jartyjyldyǵyna josparlanǵan. Tórt jáne alty jolaqty zamanaýi jolairyǵy shyǵys ainalma avtojolyn áýejaiǵa aparatyn jolmen bailanystyrady jáne ýchaske trassasynyń júgin jeńildetedi», - dedi Almaty ákimi.
Qulja traktisi boiyndaǵy estakadanyń uzyndyǵy 784 shaqyrym, Buqtyrma kóshesindegi týnnel 570 shaqyrym.
Abattandyrý kezinde jaqyn aýmaqtarǵa 750 aǵash otyrǵyzylatyn bolady.
