Búgin QR Úkimeti otyrysynda QR premer-ministri Baqytjan Saǵyntaev 2017-2020 jyldarǵa arnalǵan Qazaqstan Respýblikasynyń din salasyndaǵy memlekettik saiasaty tujyrymdamasynyń jobasyn qaraý barysynda rýhani-adamgershilik tárbie men qoǵamda halyq arasynda radikaldyq dini ideialardy taratýǵa jol bermeý jónindegi jumystardy jandandyrýdy tapsyrdy, - dep habarlaidy "Ult aqparat" primeminister.kz saityna silteme jasap.
Memleket basshysy Qazaqstan musylmandary dini basqarmasynyń ókilderimen jaqynda ótken kezdesýde jas býynnyń dini bilimsizdigine erekshe nazar aýdardy, dep atap ótti Baqytjan Saǵyntaev.
QR premer-ministri Qazaqstannyń polikonfessiialyq memleket ekenin jáne elimizde din salasynyń máselelerine basa nazar aýdarylatynyn aitty. 2017-2020 jyldarǵa arnalǵan din salasyndaǵy memlekettik saiasat tujyrymdamasy qoǵamdyq sananyń jáne jalpy qoǵamnyń turaqty ári úilesimdi damýyn qamtamasyz etýi tiis.
Osyǵan orai QR Din isteri jáne azamattyq qoǵam ministrligine óńirlermen birlesip, rýhani-adamgershilik tárbie men qoǵamda radikaldyq dini ideialardy taratýǵa jol bermeý jónindegi jumystardy jandandyrý qajet. Budan ózge, atalǵan salada durys tárbielik ári aǵartýshylyq jumystardy birlesip atqaryp, konfessiialar arasyndaǵy kelisimdi nyǵaitýǵa kúsh salý kerek.
QR premer-ministri "Qudaidy óz júrekterińizden izdeńizder, ony basqa esh jerden tappaisyzdar" degen danalyq sózdi eske túsirip ótti. Sol sebepti de, atalǵan jumysty júrgize otyryp, qoǵamnyń basty mindeti árkimniń júregine osy túsinikti jetkizý bolyp tabylady.
