Baqytjan Saǵyntaev Qazaqstan Prezidenti Ákimshiliginiń Basshysy qyzmetine qaita taǵaiyndaldy, dep habarlaidy "Ult aqparat" Aqordanyń resmi saityna silteme jasap.
"Baqytjan Ábdiruly Saǵyntaev Qazaqstan Respýblikasy Prezidenti Ákimshiliginiń Basshysy bolyp taǵaiyndalsyn", - dep jazylǵan jarlyqta.
Saǵyntaev bul qyzmetke 2019 jyldyń naýryzynda taǵaiyndalǵan edi. 12 maýsymda jańa Memleket basshysy qyzmetine kiriskennen keiin memlekettik organ basshylarynyń ókilettigin toqtatpai, olarǵa jańa taǵaiyndaýlarǵa deiin laýazymdyq mindetterin atqarýdy tapsyrdy.
Baqytjan Saǵyntaev týraly ne bilemiz?
1963 jyly 13 qazanda Jambyl oblysynyń Talas aýdanyndaǵy Úsharal qalasynda dúniege kelgen. 1985 jyly S.M.Kirov atyndaǵy Qazaq memlekettik ýniversitetiniń filosofiia-ekonomika fakýltetin bitirip, ekonomist, saiasi ekonomika pániniń oqytýshysy bolyp shyqqan. Sol jyly Almaty halyq sharýashylyǵy institýtynda saiasi ekonomika kafedrasynyń oqytýshysy qyzmetine kiristi. Al úsh jyldan keiin Kirov atyndaǵy Qazaq memlekettik ýniversitetiniń áleýmettaný kafedrasynda assistent, aǵa oqytýshy jáne dotsent bolyp jumys istedi.
Saǵyntaev ár jyldary Jambyl oblysy ákiminiń orynbasary, tabiǵi monopoliialardy retteý agenttiginiń tóraǵasy, premer-ministri keńsesiniń jetekshisi, Pavlodar oblysynyń ákimi, Qazaqstannyń ekonomikalyq damý jáne saýda ministri, "Nur Otan" partiiasy tóraǵasynyń birinshi orynbasary, premer-ministrdiń birinshi orynbasary, Qazaqstannyń Premer-ministri, memlekettik hatshy laýazymdaryn atqardy.
2019 jyldyń 24 naýryzynda Qazaqstan Prezidenti Ákimshiliginiń Basshysy qyzmetine taǵaiyndaldy.
