Úkimet basshysy Baqytjan Saǵyntaev saýdadaǵy «qosymsha qun salyǵyn» «saýdadan alym» salyǵyna almastyrýǵa qatysty úkimettiń ustanymyn málim etti, dep habarlaidy "Ult aqparat".
«Bizdiń ustanymymyz – Qazaqstanda saýdadan alym alýdyń qajeti joq», – dedi Úkimet basshysy «Atameken» Kásipkerlerdiń ulttyq palatasy tóralqasynyń keńeitilgen otyrysynda.
Baqytjan Saǵyntaev bul másele sheteldik keńesshilerdiń qatysýymen ústimizdegi jyldyń basynan beri talqylanǵanyn, atalǵan tarap saýdadan alym alýdyń tiimsiz ekenine Úkimettiń kózin jetkizgenin tilge tiek etti.
«Biz pikirlesip, ortaq túsinikke keldik. Sońǵy ótken keńeste áriptesterimizben birge memleket basshysyna túiinimizdi aittyq. Memleket basshysy «Eger solai dep sanasańyzdar, endeshe sheshim qabyldańyzdar», dedi», – dep atap ótti Baqytjan Saǵyntaev.
