QR Premer-Ministri Qostanai oblysyna jumys sapary aiasynda «Atameken» UKP Óńirlik keńesiniń múshelerimen kezdesý ótkizdi. Kezdesý barysynda kásipkerlerdiń jergilikti atqarýshy organdarmen ózara is-qimyl máseleleri, biznesti memlekettik qoldaý sharalary, sondai-aq óńirde kásipkerlikti damytýdyń perspektivaly baǵyttary talqylandy, - dep habarlaidy "Ult aqparat" primeminister.kz portalyna silteme jasap.
QR Premer-Ministri biznes ókilderiniń nazaryn el ekonomikasynyń Úshinshi jańǵyrýy aiasynda ashylyp jatqan ósý múmkindikterine aýdardy. B. Saǵyntaev kásipkerlerdi biznes ortany jaqsatý men qaita retteý, ekonomikanyń jańa salalaryndaǵy, jańa indýstriialardaǵy, qyzmet kórsetý salasyndaǵy, týrizm men «qarapaiym zattar ekonomikasyndaǵy» jappai kásipkerlikti jedel damytý salasyndaǵy birlesken jumystarǵa belsendirek qatysýǵa shaqyrdy.
Baqytjan Saǵyntaev osy protsestiń quramdas bóligi retinde Memleket basshysynyń Joldaýynda ekonomikany tsifrlandyrý men tórtinshi ónerkásiptik revoliýtsiiaǵa erekshe kóńil bólingenin atap ótti. Osyǵan orai Úkimet zańnamalyq ózgerister men standarttaý, tsifrlandyrý, memlekettik qoldaý quraldary qamtylǵan, atalǵan baǵytta damýdyń júielik sharalaryn ázirleýde.
Memlekettik satyp alýlar salasynda Memleket basshysynyń tapsyrmasy boiynsha memlekettik satyp alýlardy ortalyqtandyrylǵan qyzmet qaǵidasy boiynsha júzege asyrý máseleleri pysyqtalýda. Otandyq kásiporyndarǵa qoldaý kórsetý maqsatymen QR Qarjy ministrligi otandyq jihaz jáne jeńil ónerkásip ónimderin satyp alý máselesin retke keltirgen. Biyl kvazimemlekettik sektor, tabiǵi monopoliialar men jer qoinaýyn paidalaný salalaryndaǵy satyp alýlardyń jańa tásilderi iske asyrylatyn bolady.
Budan ózge, satyp alýlardyń IT platformasy - memlekettik jáne kvazimemlekettik sektorlardyń satyp alýlarynyń ortaq qajettilikterine biryńǵai qoljetimdilik núktesi óz nátijelerin bermek. Taǵy bir shara memlekettik satyp alýlar kezinde qurylys kelicimsharttaryn qazynashylyq súiemeldeýdiń pilottyq jobasyn iske qosý bolmaq.
Jergilikti qamtý úlesin arttyrý men biznes ahýaldy jaqsartý jumystary jalǵasyn tabady. Zańnamalyq salada salyqtyq tekserý jumystary 40%-ǵa qysqartylady. 30-dan astam eskirgen sanitarlyq erejelerdi joiyp, 25-ine ózgerister engizip, densaýlyq saqtaý jáne bilim berý uiymdaryna jańa sanitarlyq erejeler ázirleý josparlanǵan.
Premer-Ministr Memleket basshysynyń Joldaýynda agrarlyq sektor ekonomikanyń jańa draiveri retinde kórsetilgenin atap ótti. Soǵan orai biyl AÓK damytý memlekettik baǵdarlamasyn iske asyrý jumystary bastaldy. B. Saǵyntaev kásipkerler qaýymyna búgingi tańda naryqta, sonyń ishinde taiaý shetel naryǵynda oryn alǵan múmkindikterdi jiberip almaýdy usyndy. Mysalǵa, Ózbekstanǵa ósimdik sharýashylyǵy ónimderin eksporttaý jaǵdailary jaqsartyldy. 1 sáýirden bastap onda undy (11%-dan 5%-ǵa deiin), kúnbaǵys maiyn ( 20%-dan 10%-ǵa deiin), konservilengen kókónisterdi (50%-dan 10%-ǵa deiin), jemis jáne kókónis shyryndaryn (70%-dan 30%-ǵa deiin) importtaý aktsizderi tómendetildi. Sondai-aq, makaron ónimderine salynatyn aktsizdik salyq alynyp tastaldy (buǵan deiin 50%-ǵa deiin bolǵan).
Premer-Ministrdiń aitýynsha týrizm men MJÁ jobalaryn iske asyrý perspektivaly baǵyttar bolyp tabylady.
Shara barysynda Qostanai oblysynyń ákimi A. Muhambetov, «Atameken» UKP tóraǵasy A. Myrzahmetov, oblystyń Óńirlik kásipkerler palatasynyń tóraǵasy V. Rozinov sóz sóiledi.
«Qostanai Munai Ónimderi» Qaýymdastyǵy» ZTB prezidenti R. Faizýlin munai ónimderi men AJQS bazalarynyń ielerine esepteý quraldaryn ornatý máselesin kóterdi. «Qostanai oblysy kásipkerlik qyzmetine kómek kórsetý qaýymdastyǵy» ZTB direktory P. Sýhinin salyqtyq jáne keden daýlary boiynsha eskirý merzimi taqyrybyn qozǵady. «Zýevka» JShS direktory A. Borodin qyzmettiń basqa túrlerin júzege asyrý kezinde sharýa qojalyqtarynyń arnaiy salyq rejimin qoldaný máseleleri týraly aitty. «Baian-Sulý» AQ basqarma tóraǵasy T. Sadyqov jumyskerlerdi mindetti áleýmettik meditsinalyq saqtandyrý qyzmetin kórsetý tizimine qosý erekshelikterine qyzyǵýshylyq tanytty. «Aliýminqurylys» JShS direktory A. Muqanov qurylys salasyndaǵy memlekettik satyp alýlar kezindegi baǵanyń dempingine qatysty máseleni kóterdi. «BK-Stroi» JShS direktory I. Kim «Turǵyn úi qurylysyna úlestik qatysý týraly» QR Zańyna ózgerister engizý men kirme joldardy qoljetimdi etkeni úshin «Kóliktik qyzmet ortalyǵy» AQ tarifterin tómendetý týraly usynystaryn bildirdi. «Qostanai un tartý kombinaty» AQ direktory A. Miketka QQS qaitarý rásimi jónindegi pikirimen bólisti.
Sondai-aq, «TÓK Qarasý» JShS bas direktory A. Tursynov jáne «SSTÓB» AQ prezidenti B. Muhametqaliev ózekti máselelerdi kóterdi.
Óz kezeginde kásipkerlerdiń suraqtaryna QR ulttyq ekonomika ministri T. Súleimenov, QR aýyl sharýashylyǵy birinshi vitse-ministri Q. Aitýǵanov, QR qarjy vitse-ministri B. Sholpanqulov, sonymen qatar QR investitsiialar jáne damý vitse-ministri R. Skliar jaýap berdi.
