Almatyda koronavirýstyń úshinshi tolqyny bastaldy. Bul týraly Baqytjan Saǵyntaev «Almaty» telearnasyndaǵy Akimat Live baǵdarlamasynda aitty, dep habarlaidy "Ult aqparat".
«Byltyrǵy jylmen salystyrǵanda jaǵdai kúrdeli. Keshe koronavirýs 450 adamnan anyqtalsa, búgin 510-y tirkeldi. Bul jańa shtamnyń paida bolýynan ósip otyr. Qalalyqtar jaǵdaidy túsiný kerek. Barlyq sanitarlyq normany saqtaý qajet. Sońǵy kezde adamdar maska taqpaityn boldy. Bul virýs jaqyn arada ketpeidi, ony bárimiz bilemiz jáne túsinemiz. Virýs bizben qalady. Tolyqtai vaktsina alyp, ujymdyq immýnit qalyptastyrý kerek», - deidi ákim.
Onyń aitýynsha, qalada koronavirýstyń úshinshi tolqyny bastaldy. Alaida, halyq áli de senbeidi.
«Adam óz basyna timeiinshe senbeidi. Maǵan qatysy joq dep oilaidy. Sondyqtan maska taqpaidy. Byltyrmen salystyrǵanda jaǵdai eki ese kúrdeli. Biraq ótken jylmen salystyrǵanda densaýlyq saqtaý salasyndaǵy jaǵdai jaqsy. Biz úsh jańa infektsiialyq aýrýhana saldyq. Qazir on alty aýrýhana ókpeni jasandy tynys alý apparatymen qamtamasyz etildi. Qazir ár palatada ár tósektiń janynda tur. Dári-dármek jetkilikti. Eń bastysy ár turǵyn, otbasyn, týǵan-týysyn saqtaý kerek», - deidi Baqytjan Saǵyntaev.
