QR Premer-Ministri Baqytjan Saǵyntaev Úkimet otyrysy barysynda Qazaqstanda kómir himiiasy salasyn odan ári damytý boiynsha birqatar tapsyrmalar berdi.
Úkimet otyrysy barysynda Qazaqstannyń kómir himiiasy salasynyń jai-kúii týraly esep, sondai-aq ony odan ári damytý boiynsha usynystar tyńdaldy.
QR Premer-Ministri B.Saǵyntaev Pavlodar oblysynyń ákimi B.Baqaýovty, Qaraǵandy oblysynyń ákimi N.Ábdibekovti, Respýblikalyq taý-ken óndirý jáne taý-ken metallýrgiialyq kásiporyndar qaýymdastyǵynyń direktory N.Radostovetsti, «QazTransGaz» AQ bas direktory R.Sýleimanovty, Kómir himiiasy jáne tehnologiialary institýtynyń direktory B.Ermaǵambetovty tyńdady.
QR Premer-Ministriniń birinshi orynbasary A.Mamin osy saladaǵy, onyń ishinde kórshiles elderdiń naryqtarynda oryn alyp otyrǵan qubylystardy eskerý qajettigin atap ótti.
«Bizge jańa naryqtar boiynsha qaraý kerek, osyǵan bailanysty jańa logistika, tiimdi logistikalyq sheshimder, munyń bári eksporttyq áleýetimizdi joǵaltyp almaýymyz úshin jumys isteýi tiis», - dedi A.Mamin.
Osy oraida, Premer-Ministr A.Maminge atalǵan máselelerdi sheshý boiynsha usynystar ázirlep, bul jumysty jalpy úilestirýdi júzege asyrýdy tapsyrdy. Sondai-aq B.Saǵyntaev kómir óndiriletin oryndarda ekologiialyq qaýipsizdikti qamtamasyz etý máselesine nazar aýdarýdy tapsyrdy.
"Ult aqparat"
