Almaty qalasynyń ákimi Baqytjan Saǵyntaev Túrksib aýdanynyń qoǵamdyq keńistiginiń abattandyrý jumystarymen tanysty, dep habarlaidy "Ult aqparat".
«Túrksib aýdanynyń qoǵamdyq keńistiginiń abattandyrý jumystarymen tanystym. Esep berý kezdesýleri kezinde turǵyndardyń ózderi usynǵan ýchaskelerge erekshe kóńil bólindi. Mysaly «Jas Kanat» yqshamaýdanyndaǵy qaraýsyz qalǵan jerdiń ornyna saiabaq, al Sobolev kóshesinde sport alańy paida boldy. Jańartylǵan «Býdenyi» alańymen birge bul jerler eresekter men balalardyń súiikti mekenine ainaldy. Munda ýaqytty tiimdi ótkizýge barlyq jaǵdai jasalǵan»,– dep jazdy Baqytjan Saǵyntaev Instagram-daǵy paraqshasynda.
Sonymen qatar, ol aýlalardyń retke keltirilip jatqanyn atap ótti.
«Ahmetov kóshesindegi úi turǵyndarynyń aitýynsha, olar úi mańyndaǵy aýmaqtyń jóndelýin 30 jyl kútken. Zamanaýi oiyn, vorkaýt jáne demalys aimaqtary turǵyndar úshin taptyrmas oryn boldy. Olar birlese aýmaqty kógaldandyrdy. Endi menshik ieleri birlestikterin qurý máselesin qolǵa alyp, óz aýlalarynda tártip ornatpaqshy. Bul — quptarlyq áreket. Turǵyndar turǵyn úi sharýashylyǵyn ustaý máselelerin óz betinshe sheshýge quqyly jáne sheshe de alady»,– dep jazdy ákim.
