Almaty ákimi Baqytjan Saǵyntaev politsiianyń mobildi pýnktterin aldyn ala eskertpesten aralap shyqty, dep habarlaidy "Ult aqparat".
Shahar basshysy turǵyndardyń aryz-shaǵymyna kóz jetkizbekshi bolǵanyn jetkizdi.
«Keshe keshke eskertýsiz «Atakent», «Merei» saýda úii, Kók bazar, Arbat, Meńdiqulov – Bekturov kósheleriniń qiylysyndaǵy, Gandi saiabaǵyndaǵy mobildi politsiia beketterin aralap shyqtym. Sol pýnktterdiń bireýinde ǵana ýchaskelik politsei boldy. Basqalarynda jaryq janyp turǵanymen, kezekshi bolǵan joq. Politsiia qyzmetkerleriniń ornyna saýda nysandarynyń kúzetshileri júrdi», - dedi ákim áleýmettik jelidegi paraqshasynda.
Onyń aitýynsha, qala turǵyndary mobildi politsiia pýnktterinde tártip saqshylaryn tabý qiyn ekendigine jii shaǵymdanady.
«Qoǵamdyq qaýipsizdikti qamtamasyz etýge bulaisha nemquraidy qaraýǵa bolmaidy! Sondyqtan búgin apparattyq jiynda qaladyq Politsiia departamentiniń basshysy Serik Kúdebaevqa eskertý jasadym. Medeý, Almaly, Bostandyq, Jetisý aýdandarynyń politsiia basshylaryna sógis jariialaýdy tapsyrdym. Aýdan ákimderine de baqylaýdyń joqtyǵy úshin eskertý aityldy», - dedi ákim.
Qala basshysy almatylyqtardyń qaýipsizdigi — ákimdik jumysynyń basty baǵyttarynyń biri ekendigin atap ótti.
