الماتى ەكٸمٸ باقىتجان ساعىنتاەۆ پوليتسييانىڭ موبيلدٸ پۋنكتتەرٸن الدىن الا ەسكەرتپەستەن ارالاپ شىقتى, دەپ حابارلايدى "ۇلت اقپارات".
شاھار باسشىسى تۇرعىنداردىڭ ارىز-شاعىمىنا كٶز جەتكٸزبەكشٸ بولعانىن جەتكٸزدٸ.
«كەشە كەشكە ەسكەرتۋسٸز «اتاكەنت», «مەرەي» ساۋدا ٷيٸ, كٶك بازار, اربات, مەڭدٸقۇلوۆ – بەكتۇروۆ كٶشەلەرٸنٸڭ قيىلىسىنداعى, گاندي ساياباعىنداعى موبيلدٸ پوليتسييا بەكەتتەرٸن ارالاپ شىقتىم. سول پۋنكتتەردٸڭ بٸرەۋٸندە عانا ۋچاسكەلٸك پوليتسەي بولدى. باسقالارىندا جارىق جانىپ تۇرعانىمەن, كەزەكشٸ بولعان جوق. پوليتسييا قىزمەتكەرلەرٸنٸڭ ورنىنا ساۋدا نىساندارىنىڭ كٷزەتشٸلەرٸ جٷردٸ», - دەدٸ ەكٸم ەلەۋمەتتٸك جەلٸدەگٸ پاراقشاسىندا.
ونىڭ ايتۋىنشا, قالا تۇرعىندارى موبيلدٸ پوليتسييا پۋنكتتەرٸندە تەرتٸپ ساقشىلارىن تابۋ قيىن ەكەندٸگٸنە جيٸ شاعىمدانادى.
«قوعامدىق قاۋٸپسٸزدٸكتٸ قامتاماسىز ەتۋگە بۇلايشا نەمقۇرايدى قاراۋعا بولمايدى! سوندىقتان بٷگٸن اپپاراتتىق جيىندا قالادىق پوليتسييا دەپارتامەنتٸنٸڭ باسشىسى سەرٸك كٷدەباەۆقا ەسكەرتۋ جاسادىم. مەدەۋ, المالى, بوستاندىق, جەتٸسۋ اۋداندارىنىڭ پوليتسييا باسشىلارىنا سٶگٸس جارييالاۋدى تاپسىردىم. اۋدان ەكٸمدەرٸنە دە باقىلاۋدىڭ جوقتىعى ٷشٸن ەسكەرتۋ ايتىلدى», - دەدٸ ەكٸم.
قالا باسشىسى الماتىلىقتاردىڭ قاۋٸپسٸزدٸگٸ — ەكٸمدٸك جۇمىسىنىڭ باستى باعىتتارىنىڭ بٸرٸ ەكەندٸگٸن اتاپ ٶتتٸ.
