Búgin Úkimet otyrysynda densaýlyq saqtaý ministri Eljan Birtanov dárilik qamtamasyz etýge qoldanylatyn sharalarǵa qatysty esep berdi, dep habarlaidy Baq.kz tilshisi.
Otyrysta Eljan Birtanov baiandamasyn aiaqtaǵan soń, Úkimet basshysy Baqytjan Saǵyntaev atalǵan máselege qatysty óz pikirin bildirdi.
«Bir jamany biz barlyǵyn bir ortalyqqa baǵyndyrdyq. Jihazdy, avtokólikti, dári-dármekti ortalyqtandyrdyq. Iaǵni, biz barlyǵyn bir ortalyqqa baǵyndyryp jatyrmyz. Bul - durys emes qoi. Ortalyq memlekettik organdar arqyly mehanizmder júrgizýdiń ornyna basqa quraldardy izdeý qajet. Eger basqa óńirlerdegi atalǵan júiede kemshilik tabylsa, úkimettik emes uiymdardy da ortalyqtandyrý qajet shyǵar», - dedi ol.
Sonymen qatar Premer-ministr elimizdegi dári-dármek baǵasynyń ártúrli ekenin aita kele, bul máseleniń áli kúnge deiin sheshilmei otyrǵanyn jetkizdi.
«Túrkiianyń Ystanbuly nemese Ankara qalalarynda nemese shalǵai aýmaqtaǵy eldi-mekenderde baǵa bir. Al bizde bir qaladaǵy ártúrli dárihanalarda bir dári túrli baǵamen salytyp jatyr. Úkimettik emes uiymdar esebinen tiisti túzetýler júrgizý qajet», - dedi ol.
