بٷگٸن ٷكٸمەت وتىرىسىندا دەنساۋلىق ساقتاۋ مينيسترٸ ەلجان بٸرتانوۆ دەرٸلٸك قامتاماسىز ەتۋگە قولدانىلاتىن شارالارعا قاتىستى ەسەپ بەردٸ, دەپ حابارلايدى Baq.kz تٸلشٸسٸ.
وتىرىستا ەلجان بٸرتانوۆ بايانداماسىن اياقتاعان سوڭ, ٷكٸمەت باسشىسى باقىتجان ساعىنتاەۆ اتالعان مەسەلەگە قاتىستى ٶز پٸكٸرٸن بٸلدٸردٸ.
«بٸر جامانى بٸز بارلىعىن بٸر ورتالىققا باعىندىردىق. جيھازدى, اۆتوكٶلٸكتٸ, دەرٸ-دەرمەكتٸ ورتالىقتاندىردىق. ياعني, بٸز بارلىعىن بٸر ورتالىققا باعىندىرىپ جاتىرمىز. بۇل - دۇرىس ەمەس قوي. ورتالىق مەملەكەتتٸك ورگاندار ارقىلى مەحانيزمدەر جٷرگٸزۋدٸڭ ورنىنا باسقا قۇرالداردى ٸزدەۋ قاجەت. ەگەر باسقا ٶڭٸرلەردەگٸ اتالعان جٷيەدە كەمشٸلٸك تابىلسا, ٷكٸمەتتٸك ەمەس ۇيىمداردى دا ورتالىقتاندىرۋ قاجەت شىعار», - دەدٸ ول.
سونىمەن قاتار پرەمەر-مينيستر ەلٸمٸزدەگٸ دەرٸ-دەرمەك باعاسىنىڭ ەرتٷرلٸ ەكەنٸن ايتا كەلە, بۇل مەسەلەنٸڭ ەلٸ كٷنگە دەيٸن شەشٸلمەي وتىرعانىن جەتكٸزدٸ.
«تٷركييانىڭ ىستانبۇلى نەمەسە انكارا قالالارىندا نەمەسە شالعاي اۋماقتاعى ەلدٸ-مەكەندەردە باعا بٸر. ال بٸزدە بٸر قالاداعى ەرتٷرلٸ دەرٸحانالاردا بٸر دەرٸ تٷرلٸ باعامەن سالىتىپ جاتىر. ٷكٸمەتتٸك ەمەس ۇيىمدار ەسەبٸنەن تيٸستٸ تٷزەتۋلەر جٷرگٸزۋ قاجەت», - دەدٸ ول.
