Almaty ákimi Baqytjan Saǵyntaev tikelei efir barysynda britandyq, ońtústik-afrikalyq SARS-CoV-2 virýstary týraly aitty, dep habarlaidy "Ult aqparat".
Baqytjan Saǵyntaev jańa virýstyń túri «Ýhan virýsyna» múldem uqsamaitynyn aitty.
«Qazir taralyp jatqan COVID-19 shtamdarynyń túri basqa. Byltyrdan beri kúresip kele jatqan virýstan aiyrmashylyǵy bar. Eger reprodýktiv kórsetkishke qarasaq, ulybritaniialyq jáne ońtústik-afrikalyq shtamdardy kóp adam juqtyratynyn jáne saldary aýyr ekenin kórýge bolady. Tańerteńgi statistika boiynsha 510 koronavirýs juqtyrý jaǵdaiy tirkelgen, onyń 417-si simptomdary bar. Eger buryn simptomsyz juqtyrý deregi kóp bolsa, qazir jaǵdai ózgergen», - dedi Baqytjan Saǵyntaev.
