Ishki naryqty benzin jáne kómirmen qamtamasyz etý Memleket basshysynyń jiti baqylaýynda. Bul týraly búgin Úkimettiń selektorlyq rejimdegi otyrysynda QR Premer-Ministri Baqytjan Saǵyntaev aitty, dep habarlaidy "Ult aqparat".
«Ishki naryqty munai ónimderimen jáne kómirmen qamtamasyz etý máselesin Memleket basshysy óziniń jiti baqylaýynda ustap otyr. Keshe Prezident Qanat Aldabergenulyn (QR Energetika ministri Bozymbaev) Aqordada qabyldaǵan kezde de jaýapkershilikti eskertip, bizge tapshylyqqa jol bermeý jóninde tiisti sharalardy qabyldaýǵa tapsyrma berdi. Osyǵan bailanysty Qanat Aldabergenuly, kómir jáne munai ónimderimen qamtamasyz etý máselesine qatysty jumysty ákimdiktermen birigip júrgizińiz», - dedi Baqytjan Saǵyntaev.
Sondai-aq, premer-ministr monopoliiaǵa qarsy uiymdarǵa elimizdegi janarmai quiý beketterindegi baǵanyń bir qalypty bolýyn baqylap júrýdi tapsyrdy.
"Kelesi aptada taǵy da osy máseleni qaita kóteremiz", - dedi Saǵyntaev.
