Búgin Úkimet úiinde QR Premer-Ministri Baqytjan Saǵyntaevtyń tóraǵalyǵymen Básekege qabilettilik jónindegi saraptama keńesiniń otyrysy ótti, dep habarlaidy "Ult aqparat" primeminister.kz saityna silteme jasap.
Otyrys barysynda memlekettik-jekeshelik áriptestik negizinde turǵyn úi-kommýnaldyq infraqurylymdy jańǵyrtý jáne Memleket basshysynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýynda qoiylǵan mindetterdi oryndaý turǵysynan qazaqstandyq munai servisiniń básekege qabilettiligin arttyrý máseleleri talqylandy.
Kún tártibi boiynsha BI Group holdinginiń direktorlar keńesiniń tóraǵasy A. Rahymbaev, Centrasia Group direktorlar keńesiniń tóraǵasy A. Qudaibergen jáne «Sentras» kompaniialar tobynyń bas direktory E. Ábdirazaqov baiandama jasady.
Talqylaýǵa QR Premer-Ministriniń orynbasary A. Jumaǵaliev, energetika ministri Q. Bozymbaev, aqparat jáne kommýnikatsiialar vitse-ministri Q. Balyqbaev, ulttyq ekonomika vitse-ministri S. Jumanǵarin, «Atameken» UKP basqarma tóraǵasy A. Myrzahmetov, «AllurAuto Group» AQ direktorlar keńesiniń tóraǵasy A. Lavrentev jáne basqalary qatysty.
