Almaty ákimi Bostandyq aýdanyndaǵy jumys sapary kezinde áleýmettik mańyzy bar nysandarda boldy, sonymen qatar qoǵamdyq keńistikterdi abattandyrý barysymen tanysty.
Qala ákimi Instagram-daǵy praqshasynda múmkindigi shekteýli jandarǵa qoldaý kórsetetin Ten Qogam jobasy týraly aityp berdi.
«Bul ortalyqta múmkindigi shekteýli azamattardy jańa mamandyqqa oqytyp nemese kásibi biliktiligin damytý arqyly jumysqa ornalasýǵa kómek kórsetiledi. Jobany «Shyraq» QB múgedektigi bar áielder qaýymdastyǵy» júzege asyryp keledi. Al «Áýen álemi» jobasy balalardyń mýzykalyq qabiletin damytýǵa baǵyttalǵan. Munda balalar dombyra, gitara men shańqobyzda oinaýǵa tegin úirenedi», - dep jazdy Baqytjan Saǵyntaev.
Qala ákimi diplom alǵanan keiingi bilim berýdiń halyqaralyq institýtynda boldy, munda mamandar meditsina qyzmetkerlerine halyqaralyq standart boiynsha biliktilikti arttyrý kýrstaryn uiymdastyrǵan. Munda kópsalaly klinika ashyldy.
«Tamos Education mektebiniń, ulttyq kiim men kádesyi ónimderin tigetin tsehtyń damý josparymen, aýlalar, saiabaq, skverler men jaiaý júrginshiler aimaǵyn abattandyrý jumystarynyń barysymen tanystym. Bul jumys qala turǵyndarynyń pikiri men tilekteri eskerile otyryp júrgizilýde», - dep jazdy qala basshysy.
