QR Premer-Ministri Baqytjan Saǵyntaev Úkimet otyrysy barysynda áleýmettik máni bar azyq-túlik ónimderine baǵany zańsyz kóterý oqiǵalaryn boldyrmaý týraly tapsyrma berdi.
«Baǵanyń kóterilýine qatysty máseleni biz qyrkúiek aiynda talqyladyq, búgingi baiandamalardan kórip otyrǵanymyzdai, belgili bir jumystar atqarylǵan. Asqar Isabekuly (Myrzahmetov – Premer-Ministrdiń orynbasary, QR aýyl sharýashylyǵy ministri – esk.), naryqqa qatysýshylardyń sóilegen sózderin eskerýmen olardyń pikirlerin eskerip, usynylǵan tásilderdi taǵy bir qarastyryp, sáikes sheshimder túrinde resimdeýge bolady. Bul jerde Úkimet naryqtyq tetikterdi jaýyp tastaidy degen sóz emes. Alaida joǵary baǵanyń bolýyna jaǵdailar týsa, biz qolymyzda bar monopoliiaǵa qarsy zańnama aiasyndaǵy quraldardy eskerýmen, onyń jolyn kesýimiz kerek», - dedi B.Saǵyntaev.
Eske salaiyq, Úkimet otyrysy barysynda áleýmettik máni bar taýarlarǵa baǵanyń negizsiz ósýin boldyrmaý boiynsha birqatar sharalar usynyldy. Máselen, bólshek jáne kóterme saýdada áleýmettik máni bar azyq-túlik taýarlaryn satýda shekti ústeme baǵanyń kólemin zańdy túrde bekitý, sonymen qatar halyqtyń basym bóligin monitoringke jáne naqty bólshek baǵalardyń «usynylatyn» baǵalarǵa sáikessizdigin anyqtaýǵa belsendi tartý usynyldy.
Sonymen qatar, aimaqtardaǵy azyq-túlikti turaqtandyrý qorlarynyń qazirgi jumys tártibin jeńildetý usynyldy.
